Ori Nebiaj do të jetë deputete e Kuvendit të Shqipërisë.
Këtë të martë të 15 nëntorit, Nebiaj ka plotësuar formularin e deputetes pas largimit të Grida Dumës.
Duket se ajo, aktualisht e angazhuar në botën mediatike, ka vendosur të bëhet pjesë aktive e politikës.
Nebiaj ka kandiduar në zgjedhjet parlamentare të vitit 2021, por nuk e siguroi mandatin e deputetes.
Pasi Gruda Duma la mandatin e saj për t’u bërë pjesë e televizionit, Nebiaj pati mundësinë për të zgjedhur mes angazhimeve të saj.
Nebiaj kandidoi më 25 prill në qarkun e Tiranës, ku siguroi 5 mijë e 606 vota preferenciale.
Ajo ishte renditur e 18-ta në listën e Partisë Demokratike, por pas rirenditjes në bazë të votave preferenciale ajo u ngjit një vend më sipër.
Nga ana tjetër, Grida Duma e njoftoi largimin e saj më 8 nëntor përmes një konference për shtyp.
“Pak çaste më parë kam dorëzuar formalisht dhe zyrtarisht shkresën për lënien e mandatit të deputetes. Pas një reflektimi të gjatë, për të bërë të duhur për partinë time dhe votuesit që përfaqësoj, ky është vendimi i duhur”, ka thënë ajo.
Duma e ka marrë mandatin vitin e kaluar në zgjedhjet e 25 prillit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE