Mes përplasjesh së banorëve dhe Policisë së Shtetit, Inspektorati Kombëtar i Mbrojtjes së Territorit mëngjesin e 22 shkurtit ka nisur punën për shembjen e ndërtesave të mbetura te lagjja 5 Maji në Tiranë.
Shembja e këtyre banesave u shoqërua me një rezistencë e lartë nga ana e banorëve duke u munduar të mos lejojnë fadromat e IKMT-së për të kryer punën e tyre.
Pavarësisht rezistencës së tyre IKMT-ja nisi punën, duke sjellë rritje të tensionit mes banorëve dhe Policisë. Ata gjuajtën me gur drejt forcave të shumta të policisë dhe aksioni është shoqëruar me britma dhe të qara.
Kundërshtitë e banorëve kanë nisur që prej javësh tashmë, duke kërkuar nga qeveria një dëmshpërblim në proporcion të drejtë me pronat që kanë.
Gjatë kësaj dite parashikohet të shemben 12 banesa, ndërsa më parë janë shembur dhjetëra të tjera.
Një ditë më parë ata kanë protestuar në zyrat e Autoritetit Rrugor Shqiptar. Ata kanë paralajmëruar se protesta e tyre do të përshkallëzohet deri në grevë urie përballë Kuvendit të Shqipërisë ose pranë banesave të tyre.
Nga ana tjetër Bashkia e Tiranës dhe Qeveria kanë bërë me dije se pavarësisht a janë të pajisura me leje apo jo asnjë nga banorët nuk do të mbesë pa shtëpi.
Shembja e këtyre banesave ka ardhur si proces i rindërtimit pas tërmetit te vitit 2019 më 26 nëntor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit