Liga më e fortë e basketbollit në botë, NBA, vazhdon të dhurojë spektakël dhe surpriza.
Ndeshja më befasuese e mëngjesit të së hënës, ishte humbja e Golden State Warriors, me rezultat 106:102 nga Charlotte Hornets.
Ky takim ishte i baraspeshuar gjatë të gjithë kohës, por në çerekun e fundit Charlotte bën diferencën, duke triumfuar me shifrat 19:14, çka bëri që rezultati në fund, të jetë në favor të tyre.
Më të dalluarit në këtë takim ishin Andrew Wiggins te Charlotte, i cili kontribuoi me 28 pikë, gjashtë kërcime dhe dy asistime, ndërsa te Warriors më i miri në parket ishte Stephen Curry me 24 pikë, gjashtë kërcime dhe 10 asistime.
Kjo ishte vetëm humbja e dytë e Golden State, në 13 ndeshje, ndërsa Hornets morën fitoren e shtatë, në 15 takime.
Ndërkohë kampioni në fuqi, Milwaukee Bucks, ka vazhduar serinë e ndeshjeve negative, ku në takimin e fundit kanë pësuar humbje nga Atlanta Hawks, me rezultat 120:100.
Hawks ishin më të mirë gjatë gjithë ndeshjes, ku basketbollisti i tyre, Trae Young ishte fantastik, duke shënuar 42 pikë, tetë kërcime e 10 asistime.
Ndërsa te Milwaukee u dallua ylli i tyre, Giannis Antetokounmpo, i cili shënoi 26 pikë, pesë kërcime dhe gjashtë asistime.
Humbje në këtë rreth pësoi edhe Los Angeles Clippers që u mposhtën në shtëpi nga Chicago Bulls, me rezultat 100:90.
Triumf spektakolar mori në shtëpi edhe Denver Nuggets, të cilët mposhtën Portland Trail Blazers me shifrat 124:95.
Fitore të lehtë në këtë rreth mori edhe Brooklyn Nets, të cilët triumfuan në udhëtim te Oklahoma City Thunder me shifrat 120:96.
Gjithashtu edhe Phoenix Suns fitoi në udhëtim te Houston Rockets, me shifrat 89:115.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ripërtëritja e legjitimitetit të dobësuar dhe largimi i fokusit nga ngërçi, faktorë që detyruan Kurtin të mendojë për zgjedhje të parakohshme
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi