Sot, në orën 10:00, do të mbahet seanca e radhës së Kuvendit të Shqipërisë. Pika e parë e rendit të ditës do të jetë miratimi i procesverbalit të seancës plenare të zhvilluar më 13 shtator.
Më pas do të votohet projektvendimi për miratimin e programit politik dhe përbërjes së Këshillit të Ministrave.
Në Konferencën e Kryetarëve të drejtuar nga Lindita Nikolla, më 15 shtator, u përcaktua që koha e debatit të jetë pa limit, ku çdo deputet ka të drejtën për diskutim, 10 minuta.
Seanca do të jetë e “ndërtuar” nga tre pjesë.
Në të parën, do të prezantohet programi i qeverisë dhe Këshillit të Ministrave nga vetë kryeministri Edi Rama.
Pastaj, është faza e dytë, e cila përfshin të gjitha pyetjet. Dhe në fund, hapet debati dhe zhvillohet votimi, i cili është një votim i vetëm, qoftë kjo për përbërjen e Këshillit të Ministrave, qoftë për programin qeverisës 2021-2025.
Votimi i qeverisë së re vjen pas dekretimit të bërë nga presidenti i Republikës së Shqipërisë, Ilir Meta, më 14 shtator.
Ky dekretim vjen pas kërkesës që Meta bëri në SPAK, për të hetuar pastërtinë e figurave të kabinetit “Rama 3”.
Prokuroria e Posaçme kundër Korrupsionit dhe Krimit të Organizuar i ktheu përgjigje presidentit, duke shpjeguar se asnjë nga ministrat e kabinetit nuk është nën hetim.
Me këtë fakt në dorë, Meta i ka dekretuar ministrat e rinj, duke i çuar emrat e tyre në Kuvend për të marrë votëbesimin e Parlamentit.
Kabineti i ri i Edi Ramës përbëhet nga 15 ministra dhe zëvendëskryeministri. Prej tyre, 12 janë gra dhe vetëm katër burra.
Ndryshe nga sa mendohej për shkak të replikave të vazhdueshme në distancë midis dy politikanëve, Meta nuk ka bërë asnjë retorikë politike mbi dekretimin e Ramës si kryeministër dhe kabinetit të tij.
Programi i Qeverisë
Kryeministri Rama do të prezantojë edhe programin e Qeverisë për katër vitet e ardhshme.
I gjithë programi, në thelb, ka të bëjë me vizionin “Shqipëria 2030”, e cila ka qenë ligjërata dhe fokusi i kryeministrit Edi Rama gjatë gjithë fushatës së tij para zgjedhjeve të 25 prillit.
Pesë janë shtyllat kryesore, ku do të fokusohet kjo qeveri e prezantuar më 2 shtator nga Rama.
E para ka të bëjë me rimëkëmbjen e ekonomisë nga tërmeti i vitit 2019 dhe pandemia e COVID-19, që u shfaq në Shqipëri në mars 2020.
Vijon me të dytën në radhë, që është mirëqenia e të gjithëve, që do të përkthehet në një ekonomi të zhvilluar që krijon shanse për të gjithë.
E treta ka të bëjë me modernizimin për zhvillim të ekonomisë prodhuese, turizmit, energjisë, bujqësisë, ekonomisë digjitale, transporteve dhe shërbimeve.
Jo më pak e rëndësishme, në fokus të kësaj Qeverie, do të jetë dhe familja, si themeli ku, sipas tyre, do të ndërtohet e ardhmja.
E fundit nga radha e pesë shtyllave të qeverisë është kurorëzuar me termin “Shqipëri e fortë”, që ka të bëjë me ndërtimin e një shteti të fortë, vëmendje për çdo shqiptar dhe me dinjitet në botë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mediu i kërkon GJKKO-së të kryhet një akt i ri ekspertimi ekonomiko-financiar për Gërdecin
-
Prokuroria Fier dërgon në gjyq 3 persona, shkaktuan 3 milionë lekë dëm me ndërhyrjen në Vjosë
-
Arrestohet 27-vjeçari nga Kosova, pasi aksidentoi për vdekje 60-vjeçarin në ‘Milot-Morinë’
-
Luan Baçi në SPAK, pas një kallëzimi
Lajmet kryesore
-
Nis takimi trepalësh në Bruksel
-
Mediu i kërkon GJKKO-së të kryhet një akt i ri ekspertimi ekonomiko-financiar për Gërdecin
-
Administrata e Biden planifikon dërgesë armësh prej 1 miliard dollarësh në Izrael
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri