“Loti 2” i projektit të “Unazës së Madhe”, ARRSH-ja njofton: Aksi rrugor ku duhet të devijohet kalimi

“Duke nisur nga ora 20:00 e mbrëmjes së 24 nëntorit deri në 06:00, gjatë natës do të kryhen punime në rrugën paralele perëndimore – krahu i pallateve – nga Ura e lumit Lana deri te kryqëzimi me zgjatimin e Bulevardit “Migjeni”.

Lajmi është bërë i ditur nga Autoriteti Rrugor Shqiptar, ku ka njoftuar qytetarët për të devijuar kalimin në këtë aks rrugor.

“Të gjitha automjetet që do të vijnë nga ish-sheshi Shqiponja, do të devijojnë vetëm majtas me destinacion rrethin e Pallatit me Shigjeta dhe do të jenë te bllokuara të gjitha degëzimet që lidhen me këtë aks dytësor me destinacion rrugën “Tom Plezha”, shkruhej në njoftim.

Po ashtu nga ARRSH-ja theksohet se nuk do të lejohen parkimet e automjeteve në këtë aks.

ARRSH-ja, në përfundim ka theksuar se punimet po kryhen për shtresën e fundit të asfaltit në rrugët dytësore të Lotit 2, të projektit të “Unazës së Madhe”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.