Kurti reagon pas fatkeqësisë natyrore në SHBA, shpreh ngushëllime për jetët e humbura

Kryeministri i Kosovës, Albin Kurti, ka shprehur ngushëllime familjeve të viktimave që humbën jetën pas situatës së krijuar në Shtetet e Bashkuara të Amerikës, si rezultat i një fatkeqësie natyrore që ka goditur disa shtete në SHBA.

“Lajm tronditës nga SHBA-të. Ngushëllimet tona për familjet dhe miqtë e mbi 100 jetëve të humbura nga tornadot e Kentucky dhe falënderimet më të sinqerta për reaguesit e parë që e vunë veten në rrezik”, ka shkruar Kurti, në rrjetin e tij social në Twitter.

Heartbreaking news out of the USA. Our condolences to the family and friends of the over 100 lives lost in the Kentucky tornadoes and sincerest thanks to the first responders who put themselves in harm's way.

— Albin Kurti (@albinkurti) December 12, 2021

Edhe Kryetari i Kuvendit të Kosovës, Glauk Konjufca, përmes një postimi në Facebook kishte shprehur shqetësimin e tij pas situatës së krijuar në SHBA-të nga një fatkeqësi natyrore, duke u lutur kështu që kjo fatkeqësi të përfundoj sa më shpejt dhe me sa më pak pasoja.

“Bashkëndjejmë me dhembje të madhe për fatkeqësinë në Kentucky dhe Tennessee të ShBA-së dhe tmerrin nëpër të cilin po kalojnë qytetarët amerikanë në këto momente të vështira. Qytetarët e Kosovës me trishtim po i përcjellin lajmet për humbjet e shumë jetëve dhe shkatërrimin e pasurisë së qytetarëve amerikanë”, ka shkruar Konjufca.

Ngushëllime për viktimat që humbën jetën si pasoj e tornados shkatërruese në SHBA-të ka shprehur edhe Ministri i Mbrojtjes, Armend Mehaj.

“Dëshiroj të shpreh ngushëllimet tona më të thella për familjet që humbën më të dashurit e tyre. Zemra jonë është me familjet e viktimave dhe njerëzit që pësuan nga shkatërrimi”, ka shkruar Mehaj në rrjetin e tij social, Twitter.

The news about the great losses due to #Kentuckytornado is devastating. I would like to express our deepest condolences to families who lost their loved ones. Our heart goes out to the families of the victims and people who suffered of the devastation. 🇽🇰🇺🇸 #Tornado

— Armend Mehaj (@armend_mehaj) December 12, 2021

Bazuar në raportimet e CNN, në orët e vona të së premtes dhe orët e hershme të së shtunës së 10 dhe 11 dhjetorit, stuhitë që u lëshuan nga tornadot e fuqishme në pjesën qendrore dhe jugore të SHBA-ve, morën jetën e mbi 80 njerëzve.

Më shumë se 30 tornado janë raportuar në të paktën gjashtë shtete, duke përfshirë këtu shtetet si Kentucky, Missouri, Tenesi e Mississippi, raporton CNN.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.