Klubi i Kukësit ka njoftuar dy transferime të reja për sezonin e ri. Malazezi Alija Krniç-i dhe kroati Edi Basa janë dy lojtarët më të rinj te skuadra verilindore.
Krniç-i është 23-vjeçar dhe vjen me parametra zero nga ekipi i Javor-Matis në Superligën e Serbisë, ku u aktivizua në gjashtë muajit e fundit. Ai luan si sulmues i krahut të djathtë dhe sulmues i dytë.
Malazezi ka firmosur kontratë dyvjeçare me Kukësin.
Basa vjen nga ekipi i Borec Veles-it në Prva Liga te Maqedonisë së Veriut. Edhe ky transferim është me kosto zero për Kukësin.
27-vjeçari, në sezonin e fundit, është aktivizuar në 11 ndeshje, gjatë të cilave ka shënuar tre gola dhe ka dhuruar dy asiste. Ai përshtatet në të gjitha pozicionet e sulmit.
Sulmuesi kroat ka nënshkruar kontratë njëvjeçare me Kukësin, me mundësi rinovimi edhe për një vit tjetër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Prodhimi i armëve”, Çfarë parashikon projektligji i hedhur në konsultim
-
Kuvendi skualifikon 6 kandidatë për KLGJ dhe KLP
-
Versioni iranian se vdekja e Raisi-t erdhi nga një defekt teknik nuk i bind ekspertët
-
SHBA-ja akuzon Kosovën për “përshkallëzim të tensioneve” pas mbylljes së degëve të bankës serbe në veri