Pas Bebe Rexhës dhe Ava Max, edhe këngëtarja e muzikës ‘country’, Kelsea Balerini është goditur në fytyrë midis skene gjatë një koncerti të saj.
Ndërsa Balerini performoi këngën e saj hit “If You Go Down” në Outlaw Field në Kopshtin Botanik të Idahos në Boise, ajo u godit papritur në fytyrë dhe u detyrua të ndalonte përkohësisht koncertin e saj.
Momenti tronditës u shfaq në rrjetet sociale, teksa Balerini në dukje ishte duke u kujdesur për syrin e saj dhe doli në prapaskenë pas një shkëmbimi të shkurtër me violinistin e saj.
Ndërsa nuk dihet se me çfarë është goditur saktësisht këngëtarja në fytyrë, disa fansa të pranishëm sugjerojnë se ishte një byzylyk.
Guys. I know we all mean well. We all want to show Kelsea love the best way we know how, and shower her with all the gifts. But throwing things on stage where artists are already so vulnerable is NOT the move. If you can’t hand it to her, there are so many other options. Lord,… pic.twitter.com/oIgy2JDn3V
— Kelsea Central • fan account (@KelseaCentral) June 29, 2023
“A mund të flasim vetëm për atë që ndodhi”, pyeti Balerini turmën kur u kthye në skenë.
“Gjithçka për të cilën më intereson është t’i mbaj të gjithë të sigurt. Nëse ndonjëherë nuk ndiheni të sigurt, ju lutemi njoftoni dikë përreth jush. Nëse dikush po shtyn shumë ose thjesht e keni atë ndjenjën e sikletit, thjesht tregoni gjithmonë atë. Mos i hidhni gjërat. E dini?”, ka thënë ajo tutje.
Incidenti bëri që llogaria zyrtare e tifozërisë të Balerinit të lëshonte një deklaratë në mediat sociale, duke iu lutur fansave që të ndalonin hedhjen e sendeve në skenë.
“E di që të gjithë mendojmë mirë. Ne të gjithë duam t’i tregojmë Kelseas dashurinë në mënyrën më të mirë që dimë, dhe t’i bëjmë asaj dhurata”, shkroi llogaria e fansave në Twitter.
“Por hedhja e gjërave në skenë ku artistët tashmë janë kaq të prekshëm nuk është një opsion për tu vepruar. Nëse nuk mund t’ia dorëzoni asaj, ka shumë opsione të tjera. Ne do të sigurohemi që ajo t’i arrijë asaj. Por, ju lutem mos e vendosni në një rrezik si ky”, u tha tutje.
Është e paqartë nëse tifozi që hodhi sendin u dëbua nga koncerti.
Këngëtarja Bebe Rexha mbeti me sy të mavijosur dhe kishte nevojë për qepje pasi një fans i pakujdesshëm hodhi një celular në fytyrën e saj në New York në fillim të këtij muaji.
Një situatë të palakmueshme e ka përjetuar edhe këngëtarja Ava Max, një fans i së cilës është shfaqur në skenë dhe e ka goditur atë në mes të fytyrës.
Edhe këngëtarja Pink është përballur me disa surpriza gjatë koncertit të saj në Londër ditët e fundit.
Ndërsa krijuesja e hitit “Trustfall” nuk u lëndua, ajo mbeti e tronditur pasi një pjesëmarrës i koncertit hodhi një thes me hirin e nënës së tyre në skenë gjatë setit të saj kryesor në festivalin britanik “Summer Time” në Londër gjatë fundjavës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Cher përmbys qëndrimin për pranimin e nominimit të “Rock and Roll Hall of Fame”
-
“ABBA: Against The Odds”, do të fokusohet edhe tek komentet ofenduese kundrejt Agnetha Faltskog-ut
-
Padia mbi këngën “Power” të Kanye West zgjidhet jashtë dyerve të gjyqit
-
Eurovision, delegacioni ukrainas gjobitet për bluza “politike”
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin