Kaos në duelin e Mayweather me djalin e ish-mafiozit John Gotti (VIDEO)

Pati skena kaotike pasi përballja e Floyd Mayweather me John Gotti III përfundoi në mënyrë të diskutueshme.

Që nga pensionimi nga boksi profesionist, Mayweather është rikthyer në ring në një seri luftimesh “miqësore” kundër yjeve të MMA dhe YouTube.

Pasi kishte luftuar në mbarë botën në vende si Japonia, Mbretëria e Bashkuar dhe Emiratet e Bashkuara Arabe, Mayweather u kthye në Shtetet e Bashkuara për luftën e tij të fundit.

Legjenda e boksit 50-0 u përball me djalin e një prej mafiozëve më famëkeq të Amerikës, Gotti III, i cili më parë kishte boksuar dy herë.

Gjatë përleshjes brenda “FLA Live Arena” në Florida, Mayweather filloi mirë, pasi qëlloi disa grushta të mire në drejtim të Gotti.

Megjithatë, në raundin e gjashtë, gjyqtari Kenny Bayliss e ndaloi luftën, një vendim që çoi në një përplasje absolute pasi Gotti ishte qartësisht i pakënaqur.

Gotti vazhdoi të ndiqte Mayweather rreth ringut dhe dukej se do ta godiste boksierin legjendar. Kjo bëri që ringu të mbushej me anëtarë të ekipit nga të dyja anët.

WOW…

Floyd Mayweather's exhibition bout with John Gotti III descended into chaos after Gotti III was disqualified for holding 😮#MayweatherGottiIII | #FloydMayweather pic.twitter.com/AJtNAbYPSr

— IFL TV (@IFLTV) June 12, 2023

Rrëmuja nuk u ndal me kaq pasi mes turmës shpërthyen përleshjet, me tifozët që gjuanin me grushta njëri-tjetrin.

Në prapaskenë, një numër luftëtarësh dhe muzikantësh u përfshinë gjithashtu në aksion. Përfundimisht, arena u pastrua nga policia, e cila kërcënoi se do të akuzonte këdo që nuk largohej menjëherë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.