Jeta në spitalet afgane të drejtuara nga gratë

Pak vende në Afganistan drejtohen nga gra. Jeta publike dhe biznesi janë të dominuar nga meshkujt dhe, që nga ardhja në pushtet e talebanëve, edhe më shumë gra janë zhdukur nga sytë.

Kështu e nis artikullin media britanike ‘The Guardian”, për sa i takon jetesës në Afganistan, përcjell “Albanian Post”.

Ndërsa disa thonë se janë të mbërthyer në strukturat shoqërore konservatore që rrallë i lënë të marrin kontrollin, të tjerë kanë frikë nga rregullat e reja drakoniane, ndalimet e udhëtimit dhe arsimit.

Por, pas mureve të disa spitaleve të drejtuara nga femra në Kabul, ekziston një realitet tjetër, ku gratë shpëtojnë çdo ditë jetë. Ato ofrojnë këshilla për martesën, kujdesen dhe birësojnë fëmijë të braktisur.

Shumë nga mjekët dhe infermierët që punojnë atje kanë rritur fëmijë dhe shpesh mbeten mbështetësit e vetëm financiarë të familjes së tyre.

Deri në 100 fëmijë lindin në ditë – mjekët kërkuan që emri i klinikës të hiqej për arsye sigurie – dhe të paktën 140 punonjës femra kujdesen për të gjitha operacionet.

Ka qenë e vështirë për gratë, pasi thonë se ndihen nën presionin e talebanëve. Pas marrjes së pushtetit nga islamistët në gusht, shumë nga mjekët qëndruan në shtëpi për javë të tëra, shumë të frikësuar për të shkuar në punë. Ngadalë, shumica e tyre u kthyen në punë.

Vendet e drejtuara nga gratë tani janë edhe më të rralla në një vend të drejtuar nga një qeveri tërësisht me meshkuj, e cila i ka hequr gratë nga postet publike që nga gushti dhe vazhdon t’i ndalojë vajzat më të rritura të arsimohen.

Ndërsa talebanët përpiqen të krijojnë një qeveri funksionale, kritikat ndaj liderëve të rinj të Afganistanit janë të përhapura.

“Human Rights Watch” i ka akuzuar ato për imponim të politikave që kanë shkelur të drejtat dhe kanë krijuar barriera të mëdha për gratë.

Për muaj të tërë që nga marrja e pushtetit nga talebanët – dhe ngrirja e mëvonshme e rezervave të Bankës Qendrore Afgane jashtë vendit – mjekët dhe personeli tjetër i kujdesit shëndetësor në të gjithë vendin nuk i kanë marrë pagat e tyre, edhe pse kanë punuar me kohë të plotë.

Kohët e fundit, Komiteti Ndërkombëtar i Kryqit të Kuq (ICRC) mori përsipër pagesat e pagave për mijëra personel shëndetësor – burra dhe gra – në të gjithë Afganistanin.

Kthimi i talebanëve mbi arsimimin e vajzave afgane zbuloi ndarje të thella lidershipi.

Që prej marrjes së pushtetit në gusht 2021, talebanët kanë ashpërsuar masat për qytetarët afganë dhe veçanërisht për gratë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.