Në ndeshjen mes Brooklyn Nets dhe Boston Celtics, ishin këta të fundit të cilët triumfuan për fitoren e tyre të parë në playoff-in e këtij sezoni.
Celtics fituan këtë duel titanësh me rezultat 119:125.
Ndeshja ishte e baraspeshuar në pjesën e parë, por, diferenca u bë në çerekun e tretë ku Celtics morën një epërsi prej 12 pikëve.
Ishte Jayson Tatum ai i cili i dha fitoren Celtics pasi pati një performancë të paharrueshme, ku shënoi 50 pikë.
James Harden dhe Kevin Durant po ashtu kishin performanca fantastike ku 31-vjeçari shënoi 41 pikë dhe Durant përfundoi ndeshjen me 39.
Kjo është humbja e parë e treshes fantastike të Brooklyn në playoff, pasi ata kishin rezultate dominante në dy ndeshjet e para.
Ndeshja e radhës për këto dy skuadra do jetë më 30 maj ku Celtics do provojnë të barazojnë rezultatin e serisë.
Te kjo fitore e Celtics, më të mirët ishin Jayson Tatum me 50 pikë e 7 asistime, Marcus Smart me 23 pikë dhe Tristan Thompson me 19 pikë e 13 kërcime.
Ndërsa te Nets, më të dalluarit ishin James Harden me 41 pikë, 7 kërcime e 10 asistime dhe Kevin Durant me 39 pikë e 9 kërcime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com