Java e 25-të e Art Motion Superligës së Kosovës në basketboll pritet të dhurojë disa ndeshje interesante.
Ndeshja e parë e kësaj jave do të zhvillohet mes Dritës dhe Prizrenit 16, ku prizrenasit janë favoritë për të triumfuar, pasi kanë 14 fitore dhe dhjetë humbje, kurse gjilanasit kanë 24 humbje në po aq ndeshje të zhvilluara.
Të shtunën do të zhvillohet një duel interesant mes Sigal Prishtinës dhe Golden Eagle Yllit. Prishtinasit kanë 12 fitore e 12 humbje, kurse therandasit 18 fitore e gjashtë humbje.
Një sfidë me mjaft interes është ndërmjet finalistëve të Kupës, Pejës dhe Trepçës.
Pejanët kanë 15 fitore e nëntë humbje, duke u renditur në vendin e tretë, kurse mitrovicasit kanë 17 fitore e shtatë humbje, duke u renditur në vendin e dytë.
Përballje me shumë rëndësi është Bashkimi dhe Rahoveci, që renditen në vendin e shtatë, përkatësisht të gjashtë, me Vreshtarët që kanë dy pikë më shumë se prizrenasit.
Bashkimi ka nëntë fitore e 15 humbje, kurse Rahoveci ka 11 fitore e 13 humbje.
Art Motion Superliga – Java 25
E premte
19:00 Drita – Prizreni 16
E shtunë
19:00 Sigal Prishtina – Golden Eagle Ylli
E diel
17:00 Peja – Trepça
19:00 Bashkimi – Rahoveci
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Protesta para Bashkisë Tiranë, policia thirrje që të mos kryhen akte dhune
-
Nëse BE-ja dëshiron të jetë një fuqi globale, ka nevojë për një ‘Big Bang’ dhe 36 anëtarë
-
Perez: BE-ja ta çojë përpara aplikimin e Kosovës dhe ta ndëshkojë Serbinë
