Fiorentina ka bërë detyrën para të gjithë rivalëve në javën e 17-të të Serie A-së.
Skuadra nga Firenze e nisi ditën e shtunë.
Në “Artemio Franchi”, ata pritën skuadrën e fundit në tabelë, Salernitana-n.
Ashtu edhe siç pritej, ndeshja ishte shumë e lehtë për vendasit, që arritën një fitore shumë të rëndësishme për vazhdimësinë e sezonit.
Ndeshjen e nisën shumë mirë, dhe pas gjysmë orën lojë, vendasit gjetën golin e parë.
Emrin e tij në listën e golashënuesve e shtoi Giacommo Bonaventura, ish-futbollisti i Milan.
Me rezultat minimal u mbyll pjesa e parë.
Vetëm gjashtë minuta pas rikthimit në fushë, Fiorentina gjeti edhe golin e dytë me anë të të përhershmit Dusan Vlahovic.
I njëjti shënoi edhe në fund për golin e dytë personal, kurse Maleh vulosi rezultatin përfundimtar 4-0.
Fiorentina ngjitet përkohësisht në vendin e pestë, të paktën derisa Juventus-i të përfundojë ndeshjen në Venezia.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ripërtëritja e legjitimitetit të dobësuar e largimi i fokusit nga dështimi, faktorë që detyruan Kurtin të mendojë për zgjedhje
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi