Fillon gjyqi ndaj udhëheqëses së rrëzuar në Myanmar

Gjyqi i udhëheqëses të rrëzuar të Myanmar-it, Aung San Suu Kyi, ka filluar të hënën e 14 qershorit. Katër muaj, pasi qeveria e saj u rrëzua nga një grusht shteti ushtarak.

Ajo është akuzuar për posedim radio-marrëse pa leje dhe shkelje të kufizimeve të Covid-it.

Gjyqet e mëvonshme do të përqendrohen në akuzat për korrupsion dhe thyerjen e veprës sekrete zyrtare.

Grupet e të drejtave të njeriut kanë dënuar gjyqin, duke e përshkruar atë si një përpjekje për të ndaluar kandidimin e saj në zgjedhjet e ardhshme.

75-vjeçarja është mbajtur nën arrest shtëpie që nga grushti i shtetit më 1 shkurt dhe pak është parë ose dëgjuar për të, përveç paraqitjeve të saj të shkurtra në gjykatë.

Të hënën, avokatët e Suu Kyi, të cilët e kanë takuar atë vetëm dy herë që kur u arrestua, do të marrin në pyetje dëshmitarët mbi pretendimet.

Një gjykim tjetër do të fillojë më 15 qershor mbi akuzat e kryengritjes. Nëse dënohet vetëm për atë akuzë, ajo përballet me 14 vjet burg.

Javën e kaluar, asaj iu dha akuza shtesë për korrupsion mbi pretendimet se ajo kishte pranuar në mënyrë të paligjshme 600 mijë dollarë (425 mijë £) në dorë dhe rreth 11 kg ar.

“Ekziston një sfond i pamohueshëm politik për ta mbajtur atë larg skenës së vendit dhe për të përlyer prestigjin e saj”, tha avokati i saj Khin Maung Zaë javën e kaluar për mediat.

“Kjo është një nga arsyet për ta akuzuar atë – për ta mbajtur atë larg skenës”.

Çfarë ka ndodhur në Myanmar?

Ushtria ka justifikuar marrjen e pushtetit në shkurt, duke pretenduar mashtrim të votuesve në zgjedhjet e përgjithshme të mbajtura vitin e kaluar.

Por vëzhguesit e pavarur të zgjedhjeve thonë se zgjedhjet ishin kryesisht të lira dhe të drejta. Si dhe akuzat kundër Suu Kyi janë kritikuar gjerësisht si të motivuara politikisht.

Grushti i shtetit shkaktoi demonstrata të shumta dhe ushtria e Myanmar-it ka goditur brutalisht protestuesit, aktivistët dhe gazetarët pro-demokracisë.

Të hënën, një gazetar amerikan i ndaluar në Myanmar që nga marsi u la i lirë pasi akuzat kundër tij u hoqën.

Forcat e sigurisë kanë vrarë më shumë se 800 njerëz dhe kanë arrestuar gati 5 mijë veta deri më tani.

Birmania në profil

Myanmar, i njohur gjithashtu si Burma, u bë i pavarur nga Britania në vitin 1948. Për pjesën më të madhe të historisë së saj moderne ajo ka qenë nën sundimin ushtarak.

Kufizimet filluan të hiqen nga viti 2010 e këtej, duke çuar në zgjedhje të lira në 2015-ën. Si dhe instalimin e një qeverie të udhëhequr nga veteranja e opozitës Aung San Suu Kyi vitin e kaluar.

Në vitin 2017, ushtria e Myanmar-it iu përgjigj sulmeve ndaj policisë nga militantët Rohingya me një goditje vdekjeprurëse Duke përzënë më shumë se gjysmë milioni myslimanë Rohingya përtej kufirit në Bangladesh.

Në atë që Kombet e Bashkuara më vonë e quajtën një “shembull të spastrimit etnik”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.