“Fantazma e Kievit”, heroi i forcave ajrore ukrainase

“Fantazma e Kievit” është nofka që po bën xhiron nëpër rrjete sociale dhe i referohet një piloti ukrainas, i cili dyshohet se rrëzoi gjashtë avionë rusë në ditën e parë të pushtimit.

Shumë prej postimeve të “Fantazmës së Kievit” japin pamjet e asaj që duket të jetë një avion MIG-29, i njohur sipas skemës së emërtimit të NATO-s si “Fulcrum”.

“Fantazma e Kievit” vlerësohet si “As”

Sipas një postimi, i cili ka marrë bujë, “Fantazma e Kievit” ka rrëzuar dy avionë rus SU-35, një SU-27, një MIG-29 dhe dy SU-25.

Sipas konventave përgjithësisht të njohura për emërtimin e luftës ajrore, çdo pilot, që ia del të rrëzojë apo shkatërrojë pesë avionë armik, njihet si “Asi”.

Me gjashtë vrasje në një ditë, “Fantazma e Kievit” u bë kategoria “As”, që ditën e parë të luftimeve.

These are the 6 Russian planes that the Ukrainian MiG-29 pilot “Ghost of Kyiv” is alleged to have shot down today. pic.twitter.com/CRB8Ce614y

— Visegrád 24 (@visegrad24) February 25, 2022

A është e vërtetë “Fantazma e Kievit”?

Deri më tani, nuk ka asnjë konfirmim se Fantazma e Kievit ekziston vërtet. Ajo që dihet, është se Forcat e Mbrojtjes Ukrainase kanë thënë se shtatë avionë rusë janë rrëzuar gjatë konfliktit të së enjtes.

Gjithsesi, duket e pamundur sikur një pilot të rrëzojë gjashtë avionë, duke pasur parasysh se luftimet janë zhvilluar në një numër të ndryshëm zonash beteje në të gjithë vendin.

Ajo që nuk mund të mohohet, megjithatë, është se ideja e “Fantazmës së Kievit” ka mbërthyer përdoruesit e mediave sociale, veçanërisht mbështetësit e vendosur të Ukrainës.

Ndoshta “Fantazma e Kievit” është thjesht një fantazi, por për popullin e Ukrainës, ai ose ajo është një hero, në të cilin duan të besojnë.

Për të lexuar zhvillimet e plota kliko KËTU

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.