Futbollisti i Juventus-it, Juan Cuadrado, pritet që të transferohet në Arabinë Saudite.
Lajmin e kanë bërë të ditur mediat italiane, sipas të cilave Cuadrado do t’i bashkohet ish-shokut të skuadrës, Cristiano Ronaldo-s te skuadra e Al Nassr.
Mediat në Itali shkruajnë se kolumbiani tashmë ka arritur marrëveshje me ekipin arab dhe do t’i bashkohet atyre në verën e ardhshme.
Cuadrado ka qenë bashkëlojtar me Ronaldo-n te Juventus-i dhe thuhet se ishte portugezi, ai që e bindi që të luajë në Lindjen e Mesme prej sezonit të ardhshëm.
Cuadrado tek Al-Nassr do të transferohet si lojtar i lirë, pasi në verë i skadon kontrata me bardhezinjtë, ndërsa me ekipin saudit do të firmosë për dy vjet.
34-vjeçari është pjesë e Juventusit prej vitit 2015, kur fillimisht u huazua nga Chelsea, pastaj u më vonë u ble nga bardhezinjtë për 20 milionë euro.
Me Juventus-in, Cuadrado ka luajtur në 293 ndeshje në të gjitha garat, prej të cilave ka shënuar 24 gola dhe ka dhuruar 65 asistime.
Ndërkaq, në Evropë ka luajtur edhe për Chelsea-n, Fiorentina-n, Udinese-n dhe Lecce-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE