Babai i Roman Protasevich-it, gazetari-disident bjellorus, në një intervistë ekskluzive për agjencinë e lajmeve BBC, u shpreh se djali i tij ndodhet në arrest shtëpie.
Të dielën e 23 majit, 26-vjeçarin e arrestuan pas devijimit të një fluturimi për në Minsk.
Protasevich ishte nisur në një fluturim nga Greqia në Lituani, i cili u devijua pas një kërcënimi të supozuar me bombë.
Bashkë me të u arrestua edhe e dashura e tij, Sofia Sapega. Shtetasja ruse është zhvendosur, gjithashtu, në arrest shtëpiak.
Gjatë intervistës, babai i Protasevich-it tha se akuzat kundër dy të arrestuarve nuk janë tërhequr.
Gazetari përballet me akuza, të cilat përfshijnë organizimin e trazirave masive, dhe për të cilat ai mund të dënohet deri në 15 vite burg.
Kush është Roman Protasevich?
“Unë njihem zyrtarisht si terrorist. Kjo nuk është një shaka. KGB-ja bjelloruse më futi në listën terroriste. Tani emri im është në të njëjtën listë me atë të anëtarëve të Daesh-it”.
Kur Roman Protasevich publikoi këtë mesazh, në llogarinë e tij në Twitter, më 19 nëntor 2020, ai jetonte në mërgim midis Polonisë dhe Lituanisë prej një viti.
Në moshën 26-vjeçare, opozitari bjellorus, ish-kryeredaktor i platformës së opozitës Nexta, u shpall i kërkuar nga Presidenti Alexander Lukashenko, rizgjedhja e të cilit më 9 gusht 2020, shkaktoi një kryengritje në popull.
Reagimi i Bashkimit Evropian (BE) ndaj uljes së avionit
Shefi i politikës së jashtme të BE-së, Josep Borrel, ka bërë me dije se një seri sanksionesh të reja priten të miratohen nga ministrat e Jashtëm të BE-së kundër shumë zyrtarëve në Bjellorusi.
Unioni i ka shtuar vazhdimisht sanksionet, që kur presidenti Alexander Lukashenko fitoi zgjedhjet gushtin e kaluar.
“Ne do të miratojmë paketën e sanksioneve të reja, e cila është një paketë më e gjerë”, u tha Borrell gazetarëve në Luksemburg, ku ai ishte duke kryesuar takimin ministror.
Ai tha se ngrirja e aseteve dhe ndalimet e udhëtimit do të godasin rreth 86 persona, përfshirë organizatat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Haziri pyet kryeministrin përse veproi “tinëz” presidentes: E keni zvarritur për tokë këtë Republikë
-
Dy sisteme Patriot do ta shpëtonin Kharkivin nga pushtimi, thotë Zelensky
-
Letra e plotë e Gjermanisë, Italisë dhe Francës për Kurtin
-
Felaj, thirrje për rikthim të hetimeve ndaj Strukturave për Mbrojtjen e Votës në PD
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin