Braktisi UFC’në – Kontrata masive e Ngannou-s me PFL’në

Ish-kampioni i peshave të rënda i arteve marciale në UFC (Ultimate Fighting Championship) Francis Ngannou, ka nënshkruar një kontratë masive dhe të pazakontë me konkurrentin e UFC-së, organizatën PFL (Professional Fighters League).

Kontrata e Ngannous, siç është bërë e ditur nga Neë York Times, nuk përfshinë vetëm pagën për luftëtarin, por edhe benefite të tjera si aksione të kompanisë, përfshirjen në bordin e kompanisë, udhëheqjen e kompanisë për pjesën e Afrikës dhe mundësimin e prezantimit të interesave të luftëtarëve të tjerë brenda kompanisë.

Ngannou kishte qenë një nga emrat më të mëdhenj në UFC përpara se një mosmarrëveshje mbi kushtet e kontratës së tij të çonte në largimin e tij në dhjetor të vitit të kaluar.

𝗧𝗛𝗘 𝗣𝗥𝗘𝗗𝗔𝗧𝗢𝗥 𝗜𝗦 𝗛𝗘𝗥𝗘! Welcome to the Professional Fighters League @francis_ngannou pic.twitter.com/WPxuQtJtTn

— PFL (@PFLMMA) May 16, 2023

Dalja e tij shkaktoi valë tronditëse në të gjithë komunitetin e MMA-së, pasi shumë spekuluan se ku do të vazhdonte ai. Disa kishin sugjeruar PFL dhe të tjerë thanë boks. Epo, të dyja duket se janë të vërteta.

Duke folur për këtë lëvizje, Ngannou i tha New York Times : “Muajt ​​e fundit kanë qenë një kohë shumë interesante për të kuptuar dhe parë peizazhin, por unë jam shumë i emocionuar për këtë marrëveshje me PFL, sepse ata në thelb treguan atë që prisja”.

“Ata nuk u shfaqën vetëm si një promovim që kërkonte një luftëtar, por në të vërtetë erdhën si një partner që sheh më shumë vlerë tek ju si person”, shtoi Ngannou.

Ngannou planifikon të zhvillojë luftën e tij të parë PFL në mesin e vitit 2024, me kamerunasin që dëshiron të ketë një meç boksi përpara se të hyjë në “SmartCage”.

Ka pasur zëra se ish-kampioni i UFC-së do të përballet me Tyson Fury, Deontay Wilder ose Anthony Joshua, megjithëse ende nuk ka ndonjë zhvillim serioz.

3️⃣ words to describe @francis_ngannou:
𝗜𝗖𝗢𝗡. 𝗔𝗧𝗛𝗟𝗘𝗧𝗘. 𝗘𝗡𝗧𝗥𝗘𝗣𝗥𝗘𝗡𝗘𝗨𝗥. pic.twitter.com/ZGkXOlVSFH

— PFL (@PFLMMA) May 16, 2023

Ngannou, 36 vjeç, do të marrë pjesë në divizionin Super-Fight të PFL, i cili i lejon luftëtarët të fitojnë të paktën 50 për qind të të ardhurave nga pay-per-view [PPV].

Krahasuar me uljen prej 20 për qind të UFC-së për luftëtarët, kjo mbetet një mundësi joshëse.

“The Predator” kishte qenë një nga emrat më të mëdhenj në UFC-sw, përpara largimit të tij, por u ndje i pavlerësuar nga shefat e kompanisë kur u ul për të diskutuar një marrëveshje të re.

Duke folur për kontratën e tij të re me PFL, Ngannou tha: “Le të themi, gjithçka në marrëveshjen time me PFL është më shumë se çdokush tjetër që ofrohet”.

Gjatë një paraqitjeje magjepsëse në MMA të Ariel Helwanit në janar, Ngannou akuzoi zyrtarët e UFC-së për refuzimin e tre kërkesave në emër të shokëve të tij luftëtarë, duke mbuluar të drejtat e sponsorizimit, sigurimin shëndetësor falas dhe një avokat për t’i përfaqësuar ata në mbledhjet e bordit.

Së bashku me Ngannou, rekrutuesi tjetër i ri i PFL – Cedric Doumbe – ka thwnw se marrwveshja e tij me PFL vlen dhjetëfishin” e asaj që i kishte ofruar UFC.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.