Ballkani shënon fitore të pastër ndaj Ludogorets në ndeshjen e parë kualifikuese të Ligës së Kampionëve
Kampioni në fuqi i Kosovës, Ballkani, ka shënuar fitore të madhe me rezultat 2:0 ndaj kampionit të Bullgarisë, Ludogorets, në ndeshjen e parë të raundit të parë kualifikues në Ligën e Kampionëve.
Ekipi i Ilir Dajës nuk e vuri për asnjë moment diskutimin për fitore në këtë ndeshje, duke e dominuar kundërshtarin që nga fillimi i lojës.
Goli i parë në stadiumin “Fadil Vokrri” erdhi krejt në fund të pjesës së parë, kur Meriton Korenica e shënoi një gol të bukur.
Meriton Korenica with the opener!
📽️ @Sohaib_Thatpic.twitter.com/yc2cjiG6Ng— Football Report (@FootballReprt) July 11, 2023
Edhe pjesa e dytë nisi mirë për ekipin nga Suhareka, të cilët pas 10 minutave e gjetën edhe golin e dytë.
Ishte Qendrim Zyba që realizoi me kokë, pas një harkimi nga gjuajta e lirë e Korenicës.
Qendrim Zyba 🇽🇰(2001) doubles the lead!
Meriton Korenica with a superb free-kick delivery for the assist!
📽️ @FootColic pic.twitter.com/qmgJz1bkPP— Football Report (@FootballReprt) July 11, 2023
Në vazhdim, dyja skuadrat patën edhe disa raste të mira për të shënuar, por Ballkani arriti të mbrohej mirë, kështu duke shkuar me epërsinë prej dy golave në ndeshjen e kthimit që do të zhvillohet pas një jave në Bullgari.
Vlen të theksohet se në rast se Ballkani e kalon këtë raund, atëherë në tjetrin do të ballafaqohet me fituesin e ndeshjes mes Olimpija Lubjanës dhe ekipit nga Latvia, Valmiera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com