Modelja dhe kreatorja shqiptare, Aurela Hoxha, bashkë me markën e saj të veshjeve të brendshme, ka debutuar edhe zyrtarisht në njërin nga evenimentet më me nam të botës së modës – “Paris Fashion Week” (Javën e Modës në Paris”.
Aurela, e cila prej kohësh është zhvendosur në Barcelonë të Spanjës, ku po vazhdon të jetojë me partnerin e saj dhe djalin e tyre, e ka ndarë lajmin e debutimit me ndjekësit në mediat sociale.
“Më 7 mars ishte debutimi im i parë me Aurela Hoxha Brand në Javën e Modës në Paris”, ka shkruar ajo, karshi fotografive nga pasarela e modës në kryeqytetin francez.
“Shumë e lumtur dhe mirënjohëse për të gjithë ata që bënë kaq shumë punë dhe përpjekje për të realizuar këtë magji”, ka shtuar Hoxha.
Dikur, Aurela, ishte shumë e pranishme nëpër intervista në mediume të ndryshme në mes të Kosovës, Shqipërisë dhe Maqedonisë së Veriut. Por, tani ajo është shumë më e rezervuar në këtë sfërë.
Gjithsesi, në një intervistë të dhënë muaj më parë, ajo kishte vendosur të shpaloste disa detaje të vogla nga lidhja e fundit, ndërsa u bë e ditur se ishte pikërisht partneri i saj, i quajtur Alban, ai që kishte vendosur të shkonte në Shqipëri në fillimet e tyre, për të kaluar më shumë kohë me yllin e modës shqiptare.
Menjëherë pas disa udhëtimeve, çifti vendosi të jetonte në Spanjë, ndërsa Aurela kishte zbuluar po ashtu se puthja në mes saj dhe Albanit, kishte ndodhur që në takimin e parë dhe se i njëjti është xheloz ndaj personave përreth modeles.
“I kam thënë të dua dhe e kam puthur në buzë që në takimin e parë, sa zgjohem i them edhe atij të zgjohet, sepse më merr malli. Është shumë xheloz për çdo person që më afrohet, por ende nuk kemi folur për dasmën”, kishte thënë Aurela, kur ishte e ftuara e Luana Vjollcës në emisionin “Shiko kush luan”.
Ndryshe, Java e modës në Paris ka filluar më 28 shkurt dhe mbaroi ditën e djeshme më (8 mars).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbreti Charles bëhet mbrojtës i ish-shkollës së tij skoceze të përshkruar në “The Crown” si “ferri absolut”
-
Ndalimi i telefonave inteligjentë për fëmijët “ia vlen të merret parasysh”, thotë raporti anglez
-
Llucija, pastiçeria që për çerek shekulli ëmbëlsoi jetët e prishtinasve
-
Melinda French Gates shfaqet si rrallë herë me djalin Rory në darkën shtetërore të Shtëpisë së Bardhë
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse