Në Valencia, stadiumi “Ciutat de Valencia”, u zhvillua ndeshja e mbetur e javës së dytë mes Levante-s dhe Atletico Madrid.
Skuadra e Simeone-s vinte me qëllim të qartë fitoren, por gjërat shkuan ndryshe.
Shqiptari, përfaqësues i Maqedonisë në futboll, Enis Bardhi, do shënonte golin e epërsisë për vendasit.
Atletico nuk pati shumë raste dhe u shpëtua nga Oblak duke mos pësuar më.
Që pjesa parë mos të mbyllej me avantazhin e Levante-s, u përkujdes Llorente, dukë shënuar për 1-1.
Pjesa e dytë kishte shumë më shumë raste, por asnjë gol.
Hero për vendasit ishte portjeri Aitor Fernandez, i cili bëri disa pritje të jashtëzakonshme.
Me këtë barazim Atletico shkon në kuotën e 55 pikëve, gjashtë më shumë se Real Madrid i vendit të dytë, por një ndeshje më tepër për të zhvilluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com