Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka thënë nga Mynihu i Gjermanisë, se do të zhvillojë takime të ndara me Kryeministrin e Kosovës, Albin Kurti dhe Presidentin e Serbisë, Aleksandër Vuçiç, derisa ka bërë të ditur se një takim Kurti-Vuçiç nuk është në agjendë.
Këto komente, Borrell i bëri nga Mynihu, ku është duke marrë pjesë në Konferencën e Sigurisë – ku prezent është edhe kryeministri Kurti dhe presidenti Vuçiç.
“Nuk është në planifikimet e mia, nuk është në agjendën time, por nëse do të ishte i mundur, ne do të ishim të lumtur. Në të kundërtën, unë duhet të tentoj ta arrij këtë [takimin Kurti-Vuçiç] diku tjetër”, deklaroi Borrell, transmeton “Radio Evropa e Lirë”.
Takimet e Borrell-it me Kurtin dhe Vuçiç-in vijnë në një kohë kur janë rritur – sërish – tensionet në mes të Kosovës dhe Serbisë. Dhe shkas për këtë, kësaj radhe është vendimi i autoriteteve kosovare për të ndaluar dinarin serb për kryerjen e pagesave.
Vendet perëndimore, posaçërisht Bashkimi Evropian dhe Shtetet e Bashkuara të Amerikës kanë kërkuar një tranzicion të gjatë për largimin nga përdorimi të dinarit serb.
Madje, nga SHBA-të është thënë se ky vendim i Kosovës, që është i pakoordinuar me aleatët, ka ndikuar në marrëdhëniet në mes të dy vendeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Texas-i fal ushtarin amerikan që qëlloi protestuesin e Black Lives Matter
-
Plagosje në Prizren, i dyshuari në arrati
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE
-
Ambasadorja e SHBA-ve në NATO, thirrje vendeve të Ballkanit Perëndimor të rrisin shpenzimet e mbrojtjes
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE