Kryetari i Partisë Demokratike të Kosovës, Memli Krasniqi, këtë të enjte ka takuar Komisionerin e Bashkimit Evropian për Fqinjësi dhe Zgjerim, Oliver Varhelyi, gjatë qëndrimit të tij në Bruksel.
“Bashkë diskutuam për procesin e integrimit evropian të Kosovës dhe rëndësinë që shteti ynë të mos lihet mbrapa në këtë proces”, ka shkruar Krasniqi pas takimit.
Për shtetin dhe qytetarët, beson Krasniqi, është tejet e nevojshme që perspektiva evropiane të jetë e qartë dhe e prekshme.
“Për PDK-në, anëtarësimi i Kosovës në Bashkimin Evropian dhe institucionet euro-atlantike, është vizioni, misioni dhe rruga e vetme përpara”.
Ndryshe Krasniqi në kryeqendrën evropiane, të mërkurën, ka takuar edhe të deleguarin special të Bashkimit Evropian për dialogun, Miroslav Lajçak.
Krasniqi nga kryediplomati sllovak ka kërkuar që statuti i Asociacionit të Komunave me Shumicë Serbe të jetë në përputhje me Kushtetutën e Kosovës.
“Edhe një herë, Emisarit Lajçak i ripërsërita qëndrimin tim dhe të PDK-së se statuti i Asociacionit duhet të jetë në pajtim me Kushtetutën dhe ligjet e Republikës së Kosovës, të mos krijojë një nivel të ri të pushtetit dhe të mos ketë kompetenca ekzekutive”.
Përveç kësaj, kreu i PDK-së i ka kërkuar Lajçak-ut që të ndikojë që BE-ja të heqë “sa më parë sanksionet e padrejta ndaj Republikës së Kosovës!”, të vendosura si pasojë e veprimeve të Qeverisë së Kosovës në Veri të vendit.
Krasniqi takon Lajçak-un: Asociacioni të mos krijojë nivel të ri të pushtetit
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Operacioni i SPAK, arrestime në Spanjë dhe Itali
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
Haradinaj: Dështimi në KiE i faturohet Kurtit – eksperimentet e tij shkaktuan dështimin më të madh