Janë publikuar pamjet në një lokal në fshatin Runik të Skenderajt ku u vra një person dhe u plagosen tre të tjerë.
Në video të publikuar nga Klan Kosova shihen mysafirët duke ikur nga lokali, derisa shihet viktima e shtrirë në tokë dhe të plagosurit brenda lokalit.
Musa Gashi që ishte prezent në një lokal në fshatin Runik të Skenderajt ku u vra një person dhe tre të tjerë u plagosën, ka treguar para gazetarëve se në vendin ku ndodhi vrasja i dyshuari ishte me maskë dhe kishte gjuajtur me kallashnikov.
“Kemi qenë 10 deri në 12 persona. Ka pasur muzikë. Një person ka shtënë me kallashnikov dhe ka qenë i veshur me uniformë ushtarake”, ka treguar ai.
Sipas tij, personi i parë që është plagosur ka qenë kamerieri, derisa viktima është djali i pronarit të lokalit.
Ai ka potencuar se nuk ka arritur t’i identifikoj sulmuesit e as nuk ka njohuri nëse të plagosurit dhe sulmuesit kishin ndonjë problem mes vete.
“Lokali nuk ka të bëjë me prostitucion, ka vetëm muzikë. Nuk e ka pas një objektiv sulmuesi, ka gjuajt sa ka mundur në drejtim të gjithëve”.
Të dyshuarit në arrati
Dy personat e dyshuar për vrasjen e një personi në Skenderaj dhe plagosjen e dy të tjerëve janë ende në arrati.
Lajmin e ka konfirmuar për Albanain Post, zëdhënësi i Prokurorisë Themelore në Mitrovicë, Valon Preteni.
Sipas tij, ende nuk dihet motivi që ka çuar deri në këtë akt teksa rasti po trajtohet si “Vrasje e rëndë”.
“Prokurori i rastit ka dalë në terren, nga të dhënat e deri tanishme dyshohet se dy persona të maskuar kanë hyrë në kafiteri ku nga të shtënat një person ka mbetur i vdekur. Personat e dyshuar janë ende të paidentifikuar dhe në kërkim”, tha Preteni.
Ndërsa njërit nga të plagosurit në Skenderaj ku mbeti i vrarë një person është dashur t’i amputohet këmba për shkak të lëndimeve të rënda që kishte marr nga të shtënat me armë zjarri.
Ndërsa trupi i pajetë i viktimës është dërguar në Institutin e Mjekësisë Ligjore për obduksion.
Në më pak se 1 javë tre persona janë vrarë në Kosovë dhe disa të tjera kanë mbetur të plagosur.
Tri ditë më parë një person u vra në Klinë, ndërsa më 5 gusht pas përplasjeve fizike dhe të shtënave me armë zjarri një person është vrarë dhe 17 të tjerë janë lënduar në lokalin ‘Bon Vivant’ në Prishtinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Letra e plotë e Gjermanisë, Italisë dhe Francës për Kurtin
-
Felaj, thirrje për rikthim të hetimeve ndaj Strukturave për Mbrojtjen e Votës në PD
-
Maliqi: Vuçiçi e arriti synimin që Kosova të shihet si palë joserioze nga ndërkombëtarët – pa pasur nevojë të bëjë asgjë
-
Kushtetuesja do të shqyrtojë sërish mandatin e Xhaçkës
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin