Shqipëria dhe Shtetet e Bashkuara së bashku me Ekuadorin dhe Estoninë po zhvillojnë të enjten e 25 majit një takim “Arria” të Këshillit të Sigurimit mbi përgjegjësinë dhe reagimin e shteteve ndaj sulmeve kibernetike ndaj infrastrukturës kritike.
Nën titullin “Përgjegjësia dhe reagimi i shteteve ndaj sulmeve kibernetike në infrastrukturën kritike”, ky takim do të bashkëdrejtohet nga ministrja për Evropën dhe Punët e Jashtme të Shqipërisë, Olta Xhaçka.
Takimi “Formula Arria” është një takim jozyrtar i anëtarëve të Këshillit të Sigurimit të Kombeve të Bashkuara (KSB), i cili duhet të thirret nga një anëtar i KS të OKB-së në mënyrë që takimi të zhvillohet.
“Është kënaqësi të bashkëkryesoj këtë takim për një çështje kaq të rëndësishme me Përfaqësuesin e SHBA-së në OKB, ambasadoren Linda Thomas-Greenfield”, u shpreh fillimisht kryediplomatja shqiptare.
Sipas saj, siguria kibernetike dhe siguria ndërkombëtare e paqes janë të ndërlidhura.
Kjo, për shkak të potencialit që sulmet kibernetike të prishin infrastrukturën kritike, përfshirjen e aktorëve shtetërorë dhe joshtetërorë, implikimet ekonomike të incidenteve kibernetike dhe nevojën për bashkëpunim ndërkombëtar për të vendosur norma dhe për të zbutur rreziqet kibernetike.
“Trajtimi i sfidave të sigurisë kibernetike është thelbësor për ruajtjen e stabilitetit, nxitjen e besimit midis kombeve dhe promovimin e paqes në epokën dixhitale. Siguria kibernetike kërkon bashkëpunim dhe dialog ndërkombëtar për të adresuar kërcënimet kibernetike dhe pikërisht për këtë bëhet fjalë në takimin e sotëm”, theksoi gjatë fjalës së saj Xhaçka.
Takimin e 25 majit, zyrtarja shqiptare e konsideroi si “një hap drejt forcimit të përpjekjeve tona të përbashkëta për të promovuar sjelljen e përgjegjshme të shteteve në hapësirën kibernetike dhe për të përqafuar bashkëpunimin ndërkombëtar për të zbutur rreziqet kibernetike”.
Shqipëria është një ndër anëtarët e NATO-s që pësoi gjatë vitit të kaluar sulme kibernetike të nisura nga hakerat e sponsorizuar nga shteti.
Lituania, Estonia, Mali i Zi dhe së fundmi Shtetet e Bashkuara ishin të gjithë viktima të një sërë sulmesh që synonin faqet e internetit të qeverisë dhe infrastrukturën kritike.
Ekspertët thanë se asnjë nga sulmet e fundit kibernetike që synonin anëtarët e NATO-s nuk arriti në nivelin ku aleanca do të konsideronte seriozisht nxitjen e Nenit 5.
Shqipëria ndërpreu marrëdhëniet diplomatike me Iranin, duke akuzuar Republikën Islamike për një sulm kibernetik në muajin korrik.
Kryeministri i Shqipërisë Edi Rama deklaroi më 7 shtator të vitit të kaluar se kishte urdhëruar diplomatët dhe stafin iranian të mbyllnin ambasadën dhe të largoheshin nga vendi brenda 24 orëve.
Këshilli i Atlantikut të Veriut la të hapur mundësinë asokohe që aleanca mund të marrë në konsideratë “përgjigjen e mundshme kolektive”.
Mbrojtja kolektive, të cilit i referohet NATO në këtë rast, do të thotë që një sulm kundër një aleati konsiderohet si një sulm ndaj të gjithë aleatëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
‘Dualizmi’ i Mitsotakis – Nga një anë thotë se është mbështetësi kryesor i integrimit të Ballkanit, nga tjetra i vë kushte Shqipërisë dhe Maqedonisë së Veriut
-
Kuvendi miraton vetëm me votat e shumicës Rezolutën antikorrupsion të PS-së
-
Dashnor Sula e quan skenar ogurzi miratimin e rezolutës antikorrupsion nga PS: Synohet kontrolli i SPAK
-
Balla thotë se Shqipëria nuk është ndër vendet me nivel të lartë kriminaliteti
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse