Ministrja e Industrisë, Ndërmarrësisë dhe Tregtisë, Rozeta Hajdari, nuk po bëhet rehat me ushtrues detyre të sekretarit të ministrisë.
Së fundi ajo ka “liruar nga detyra” u.d., sekretarin, Rexhep Bllaca.
Nuk dihet arsyeja e shkarkimit, por burime të Albanian Post, brenda ministrisë, bënë të ditur se vendimin për lirim nga detyra, u.d., sekretari e ka pranuar këtë të hënë.
Rexhep Bllaca, ushtroi funksionin e ushtruesit të detyrës së sekretarit të ministrisë nga 23 gushti i vitit 2022, për tetë muaj rresht.
Megjithatë, Rexhep Bllaca nuk do të shkëpusë të gjitha marrëdhëniet me këtë institucion. Ai do të vazhdojë të kryej funksionin e Drejtorit të Departamentit Ligjor në këtë ministri, ashtu siç bënte deri në momentin e emërimit si u.d., sekretar.
Lajmin për shkarkim të Bllacës, Albanian Post e kishte mësuar para pesë ditësh, për çka kishte kërkuar sqarime nga ministria në fjalë.
Por zyra për medie e kësaj ministrie, përmes postës elektronike, kishte thënë se nuk është e vërtetë që Bllaca është shkarkuar.
“Zëvendësuesi i sekretarit i Ministrisë së Industrisë, Ndërmarrësisë dhe Tregtisë, z.Rexhep Bllaca ndodhet në udhëtim zyrtar jashtë vendit, ndërsa pretendimet se është shkarkuar nuk qëndrojnë”, thuhej në përgjigjen e MINT dërguar në Albanian Post më 17 maj.
Megjithatë Bllaca nuk është i vetmi sekretar i shkarkuar nga ministrja.
Që nga marrja e detyrës si Ministre e MINT, para dy vitesh, Rozeta Hajdari ka ndërruar katër ushtrues detyre të sekretarit.
Para Rexhep Bllacës, u.d., sekretar ose – zëvendës sekretar ishte Arbër Gegaj. Ky mori detyrën më 6 maj të vitit të kaluar, duke zëvendësuar Irfan Lipovicën, të cilin ministrja Hajdari e kishte shkarkuar po të njëjtën ditë, pas publikimit të disa shkrimeve se ai u shkollua me para të një projekti nga ministria.
Para Lipovicës, pozitën e ud., sekretarit e kishte Gentiana Islamaj.
Pozita e Sekretarit të Ministrisë së Industrisë, Ndërmarrësisë e Tregtisë, është pa sekretar që nga fillimi i mandatit të dytë të Rozeta Hajdarit si ministre e MINT.
Për të mos e lënë pozitën vakante, ajo ka emëruar drejtor të drejtorive nga brenda ministrisë, si ushtrues detyre të sekretarit, pasi që akoma nuk e ka përzgjedhur askë në këtë pozitë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Texas-i fal ushtarin amerikan që qëlloi protestuesin e Black Lives Matter
-
Plagosje në Prizren, i dyshuari në arrati
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE
-
Ambasadorja e SHBA-ve në NATO, thirrje vendeve të Ballkanit Perëndimor të rrisin shpenzimet e mbrojtjes
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE