Presidenti i Serbisë, Aleksandër Vuçiç, ka pritur të martën në takim përfaqësuesen Speciale të Sekretarit të Përgjithshëm dhe Shefen e Misionit të Kombeve të Bashkuara në Kosovë (UNMIK), Caroline Ziadeh, në Beograd.
Vuçiç në takim me Ziadeh, ka diskutuar për raportin gjashtë-mujor të Sekretarit të Përgjithshëm të OKB-së, i cili do të prezantohet në seancën e Këshillit të Sigurimit të OKB-së më 27 prill të këtij viti, raport i cili prezanton situatën në Kosovë.
Sipas një njoftimi të Zyrës së Presidentit të Serbisë, Vuçiç në takim me Ziadeh ka deklaruar se situata e sigurisë në Kosovë është komplekse.
Vuçiç në takim me Ziadeh ka përsëritur se Serbia insiston në ruajtjen e paqes dhe stabilitetit në rajon duke respektuar të drejtën ndërkombëtare dhe zbatimin e Rezolutës 1244 të Këshillit të Sigurimit të OKB-së.
Në anën tjetër Ziadeh ka shprehur mbështetjen e saj për dialogun ndërmjet Kosovës dhe Serbisë duke theksuar rëndësinë e ruajtjes së angazhimit konstruktiv dhe kthimin e përkushtimeve politike në veprime konkrete në dobi të të gjithë qytetarëve.
Siç njofton komunikata për media, Vuçiç dhe Ziadeh janë pajtuar se shqyrtimi i vazhdueshëm i çështjes së Kosovës në Këshillin e Sigurimit të OKB-së është i një rëndësie thelbësore në mënyrë që bashkësia ndërkombëtare të informohet rregullisht për situatën në terren.
Ndryshe Ziadeh e cila po qëndron në Serbi për një vizitë zyrtare të hënën ka takuar kryeministren e Serbisë, Ana Bërnabiç’in dhe ministrin e Punëve të Jashtme të Serbisë, Ivica Daçiç’in.
SRSG Ziadeh met with President of Serbia Aleksandar Vučić in Belgrade today, as part of regular consultations ahead of #UNSC on Kosovo. She stressed the importance of maintaining constructive engagement + turning political commitments into concrete actions to benefit all people. pic.twitter.com/hDiLNb1GnQ
— UNMIK (UN Mission in Kosovo) (@UNMIKosovo) April 11, 2023
Bërnabiç i ankohet shefes së UNMIK-ut – “Jemi të shqetësuar për sigurinë e serbëve në Kosovë”
Bërnabiç i ankohet shefes së UNMIK-ut – “Jemi të shqetësuar për sigurinë e serbëve në Kosovë”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Politikani katalunas: Spanja hipokrite dhe me standard të dyfishtë – njeh Palestinën, por jo edhe të drejtën e kosovarëve për shtet
-
Trump josh njujorkezët hezitues në mitingun e Bronx-it
-
Komandanti i KFOR-it kërkon nga Kurti e Sveçla që të shmangen veprimet e njëanshme
Lajmet kryesore
-
Gërvalla: Nuk e zbatojmë variantin e BE-së për Asociacionin, derisa Beogradi nuk zbaton marrëveshjen e Brukselit
-
Basha kritikon sjelljen e Vuçiç në OKB: Simboli me tre gishta, sinjal i keq për stabilitetin e rajonit
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Shoqata e Mikrofinancës dënon praktikat në shkelje të ligjit, pas rasteve abuzive të publikuara