Mesazhet në mbështetje të Romelu Lukaku-t kanë filluar të vërshojnë nga shokët e skuadrës në të kaluarën dhe të tashmen, pasi sulmuesi belg ishte subjekt i abuzimeve raciste gjatë ndeshjes së parë gjysmëfinale të Kupës së Italisë mes Juventus-it dhe Inter-it të martën .
Thirrjet diskriminuese si dhe zhurmat e majmunëve u dëgjuan nga pjesë të tifozëve të pranishëm në “Allianz Stadium” gjatë ndeshjes.
29-vjeçari lëshoi një koment të shkurtër në Instagram të mërkurën në mëngjes, duke deklaruar se do të dëshironte të shihte ligën të merrte masa kundër këtyre personave.
“Historia përsëritet si në 2019-ën dhe vjen përsëri në 2023-shin. Shpresoj që këtë herë federata të marrë vendime të drejta. Këtë lojë duhet ta shijojnë të gjithë. Ju falënderoj për mesazhet e shumta. Vaftë në dreq racizmi”, ka shkruar Lukaku.
Një listë e mbushur me yje me emra nga e gjithë bota kanë dalë në mbështetje të sulmuesit të Inter-it, duke i dërguar atij më të mirën e tyre dhe duke ofruar mesazhe të mbështetjes.
Aty janë përfshirë Kylian Mbappe, Vinicius Junior, Mario Balotelli dhe Patrice Evra, si dhe bashkatdhetarët Thibaut Courtois, Youri Tielemans, Radja Nainggolan dhe Dodi Lukebakio.
Reece James i Chelsea, Anthony Elanga i Manchester United dhe Yanick Bolasie, dikur i Everton-it, kanë komentuar gjithashtu në postimin e Lukaku-t në Instagram.
Lojtarët e Inter-it, përfshirë anëtarët e ekipit të parë aktual dhe ata që kanë luajtur në skuadrat e mëparshme kanë qenë gjithashtu në kontakt me Lukaku-n, duke përfshirë Denzel Dumfries, Andre Onana, Achraf Hakimi dhe Marco Materazzi.
Lukaku scores, celebrates the way he always does, shouts two things against the racists slurs against him, he’s the first to leave the penalty area. The referee who hasn’t seen anything runs after him to give him a yellow? Why? pic.twitter.com/dx54CsUKbs
— Siavoush Fallahi (@SiavoushF) April 4, 2023
Kujtojmë që Lukaku e shënoi golin e barazimit në këtë ndeshje në sekondat e fundit të saj.
Ai u tregua i saktë nga penalltia, por pikërisht gjatë kohës së ekzekutimit të penalltisë u shfaqën koret raciste ndaj tij.
Pasi shënoi golin, Lukaku festoi me gisht te buzët e tij, shenjë kjo që ta mbyllin gojën tifozët e Juventus-it, gjest ky që u pa si provokim nga ana e gjyqtarit dhe më pas e ndëshkoi me kartonin e dytë të verdhë belgun, që më pas erdhi edhe përjashtimi nga loja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbyll sytë përgjithmonë legjenda e NBA, Bill Walton
-
Rafa Nadal jashtë French Open, e eliminon Zverev në raundin e parë
-
Duka për kandidaturën e përbashkët me Serbinë: Është interes kombëtar – i shërben edhe njohjes së Kosovës
-
Mirlind Daku shpërthen në lot për grumbullimin në Euro 2024 dhe poston mesazhin e veçantë: Jam djalë nga Kosova, më ka thirr Atdheu
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse