Pika më kritike e zjarrit, i cili ka përfshirë Malin e Çikës prej disa ditësh, paraqitet nga ana e Himarës.
Kjo, pasi zona është rrëpirë dhe nuk mund të ndërhyhet në rrugë tokësore me forcat në terren.
Lajmi u bë i ditur për Albanian Post nga trupat zjarrfikëse në këtë zonë.
Kujtojmë që situata e zjarrit u përkeqësua mbrëmjen e 13 korrikut nga ana e Dhërmiut.
Pamjet e tymit dhe vatrave të zjarrit krijuan jo pak tension dhe panik mes pushuesve shqiptarë e të huaj.
“Nuk kemi mundur të vëmë gjumë në sy gjithë natën nga frika se mos avanconte zjarri”, tregon njëri prej tyre për Albanian Post.
Por, situata ka ndryshuar të enjten e 14 korrikut.
Fotografitë e siguruara nga AP-ja tregojnë se ana e Dhërmiut është pothuajse e shuar, me një vatër tymi shumë larg zonave të banuara.
Zjarrfikësit kanë siguruar se për shkak të mungesës së erës nuk shihet më ai tym i madh në fshatin bregdetar.
“Pylli i vogël me bredha në këtë zonë është përshkuar nga zjarri por nuk është djegur”, deklaroi prefekti i qarkut, Flamur Mamaj për Euronews Albania.
Forcat zjarrëfikëse kanë punuar gjatë natës që vatra të mos përparonte nga ana lindore e malit.
ADZM-të ishin të përqëndruara edhe në zonën që ndan malin e Çikës me Llogaranë.
Sipas prefektit, zjarri nuk përbën rrezik për banorët pasi është shumë larg.
Deri tani raportohen vetëm djegie të barit dhe shkurreve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuzohet se shtyu gruan drejt tentativës për vetëvrasje, pranga 43-vjeçarit
-
Forcimi i angazhimit me rininë është themeli i zhvillimit të një shoqërie demokratike, thotë Hasani
-
Në jug popullatë e moshuar, veriu drejt zbrazjes – Shifrat reflektojnë vështirësi të mëdha demografike për Shqipërinë
-
Pas vetëvrasjes së polices 21-vjeçare, arrestohet i dashuri i saj për fshehje të së vërtetës
Lajmet kryesore
-
Në jug popullatë e moshuar, veriu drejt zbrazjes – Shifrat reflektojnë vështirësi të mëdha demografike për Shqipërinë
-
Forcimi i angazhimit me rininë është themeli i zhvillimit të një shoqërie demokratike, thotë Hasani
-
Hungaria po studion një rol të ri në NATO, “për të mos marrë pjesë”
-
Çfarë do të thotë për Kosovën avancimi i statusit në Asamblenë Parlamentare të NATO-s?