Drejtori i Departamentit të Komunikimit në FSHF, Andi Verçani, zbuloi se asnjë tifoz izraelit nuk ka udhëtuar nga Izraeli në Shqipëri, për të parë ndeshjen.
Lajmin e bëri të ditur Euronews Albania, duke cituar intervistën me zyrtarin e futbollit shqiptar.
Kujtojmë që në orën 20:45, kombëtarja shqiptare do të përballet me Izraelin në stadiumin “Air Albania”.
Kjo garë është e vlefshme për kompeticionin “Nations League”, ku Shqipëria ka pretendimet e saj për kryesimin e grupit.
“Për fat të keq nuk ka asnjë tifoz udhëtues në këtë ndeshje. Janë 150 bileta të cilat i takojnë Federatës së Izraelit të dhëna nga Federata Shqiptare si organizatore dhe këto bileta i kanë shpërndarë për miqtë e tyre përmes ambasadës izraelite”, deklaroi Verçani për Euronews.
Zyrtari i FSHF-së theksoi se deri në orët e pasdites janë shitur 16 mijë e 500 bileta dhe janë në dispozicion edhe 5 mijë e 500 të tjera për tifozët shqiptarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin