Forcat e Armatosura kanë neutralizuar 14 vatra zjarri në ishullin e Sazanit.
Lajmin e bëri të ditur ministri shqiptar i Mbrojtjes, Niko Peleshi, i cili shtoi se rreth 100 forca të tjera ushtarake janë dërguar në terren për të shuar zjarret.
“Pas një pune të pandërprerë, efektivët e FA kanë mundur të neutralizojnë rreth 14 vatra zjarri në ishullin e Sazanit. Rreth 100 trupa të tjerë të Forcave të Armatosura po dërgohen në terren”.
Ministri shtoi se janë dërguar edhe tre anije të Forcës Detare.
“Ndërsa janë vënë në dispozicion edhe 3 anije të Forcës Detare. Trupat vazhdojnë operacionin e izolimit të plotë të flakëve, krijimin e brezit të shpyllëzimit me mjete shtesë nga Komanda Mbështetëse”.
Prej fundjavës, ishulli i Sazanit është i pushtuar nga flakët, për shkak të një zjarri të rënë, i cili po djeg qindra metra katrorë bimësi.
Një grup pune prej 61 efektivësh u nis fillimisht drejt ishullit, në përpjekje për të frenuar disi ritmin e shpejtë me të cilin flakët po përhapen.
Kryesisht, të angazhuara në këtë mision janë efektivë nga Forcat Detare dhe Forcat Tokësore, së bashku me zjarrfikësit e Vlorës.
Në postimin e ministrit të Mbrojtjes, Niko Peleshi, theksohet se po bëhen përpjekje maksimale, në kushte shumë të vështira, pasi terreni jo i volitshëm dhe bimësia e vështirësojnë shuarjen e flakëve.
Ngjarje të tilla me zjarret qenë një problem shumë i madh në të gjithë vendin edhe përgjatë sezonit të shkuar veror, pasi mijëra hektarë pyje e bimësi u dogjën si pasojë e temperaturave të larta, por edhe qëllimësisë së njerëzve.
Vendosja e qëllimshme e zjarrëve është vepër penale në Shqipëri dhe ajo ndëshkohet me burgim.
Në rastin e ishullit të Sazanit ndërkohë, ende nuk dihen shkaqet, të cilat po sjellin pasoja të tilla për ekosistemin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Projekt pilot për pagesat elektronike, Rama: Eviton evazionin nga bizneset
-
Vrau ish-gruan Enkelejda Danaj me thikë në Athinë, lihet në burg shqiptari
-
Megaoperacioni i SPAK/ Burg për 4 anëtarët e tjerë të grupeve kriminale, shtyhet vendimi për Emiljano Shullazin
-
Drejtësia e re, Wisner: Është koha të ndërmerrni hapa më të ndërlikuar
Lajmet kryesore
-
Si mund të kërkojë dikush më shumë?
-
Projekt pilot për pagesat elektronike, Rama: Eviton evazionin nga bizneset
-
Gjykata e Hagës thirrje për arrestimin e Netanyahut dhe udhëheqësve të Hamasit: Çfarë është dhe çfarë kompetencash ka
-
Aksioni i Policisë në Veri: Bastisen 6 degë të Bankës Postare të Kursimeve të Serbisë – “zhvilluan veprimtari të kundërligjshme”