“Duam një zonë ndalim-fluturimi mbi Ukrainë, njerëzit po vriten”, Zelensky përsërit lutjen për NATO-n
Presidenti ukrainas, Volodymyr Zelensky, ka përsëritur lutjen e tij për NATO-n që të krijojë një zonë ndalim-fluturimi mbi Ukrainë.
Ai ka theksuar se ky do të ishte “hapi më i rëndësishëm”, pasi Ukraina përballet me “bombardimet e pandërprera” nga Rusia.
“Duam një zonë ndalim-fluturimi sepse njerëzit po vriten”, ka thënë ai.
“Pyeta presidentin Biden, Scholz dhe Macron… dhe thashë, nëse nuk mund të siguroni një zonë ndalim-fluturimi tani, atëherë na tregoni kur?”, ka treguar presidenti ukrainas.
Në Kiev, duke folur gjatë një konference televizive, ai ka vazhduar të pyesë se sa njerëz të tjerë në Ukrainë duhet të vriten përpara se NATO të pranojë të vendosë një zonë ndalim-fluturimi.
“Sa njerëz duhet të hidhen në erë? Sa krahë, këmbë dhe koka duhet të priten, që të kuptoni?”, ka reaguar Zelensky.
Mirëpo, NATO-ja nuk po shqyrton një zonë ndalim-fluturimi për të kundërshtuar agresionin rus në Ukrainë.
Të paktën kështu ka bërë me dije ambasadorja e SHBA-ve, Julianne Smith.
Për të, “NATO-ja nuk duhet të jetë pjesë e këtij konflikti”.
NATO është përballur me thirrje për të vendosur një zonë ndalim-fluturimi për të ndaluar Rusinë të përdorë avionët e saj për të mbështetur forcat e saj në terren.
Ama shumë prej tyre kanë ngritur shqetësime se masa do të përshkallëzonte konfliktin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kosova merr statusin e asociuar në Asamblenë Parlamentare të NATO-s, një hap i rëndësishëm drejt anëtarësimit të plotë
-
Ditari nga Izraeli: Vajza ime në lot, miqtë po mendojnë të largohen
-
Thirrja nga Gaza: Në Rafah s’ka më shpëtim, po vdesim drejtpërdrejtë në televizione
-
BE-ja mirëpret opinionin e KiE-së për KPM-në, sugjeron hartimin e një draft të ri
Lajmet kryesore
-
Kosova merr statusin e asociuar në Asamblenë Parlamentare të NATO-s, një hap i rëndësishëm drejt anëtarësimit të plotë
-
Shtyhet seanca e Belerit në GJKKO
-
Thirrja nga Gaza: Në Rafah s’ka më shpëtim, po vdesim drejtpërdrejtë në televizione
-
Marrëveshja për emigracionin me Italinë është një dhe e vetme, siguron Rama