Presidenti i Sllovenisë, Borut Pahor të hënën e 28 nëntorit do të qëndrojë për vizitë në Republikën e Kosovës.
Vizita e presidentit Pahor është bërë e ditur përmes një komunikate për medie nga zyra e tij, përcjell mediumi Sta.
Sipas komunikatës, të dielën e 27 nëntorit Pahor do të ketë një vizitë në Serbi, ndërkaq një ditë pas ai do të jetë në Kosovë.
Ai pritet në takim nga presidentja e Kosovës, Vjosa Osmani dhe kryeministrin, Albin Kurti.
Ndërkaq, të dielën në Serbi ai do të takohet me presidentin e serb, Aleksandar Vuçiç.
Vizita e Pahor vije pak ditë pas vizitës së Emisarit të Bashkimit Evropian për dialogun Kosovë-Serbi, Miroslav Lajçak.
Ai pas takimit me kryeministrin Kurti tha se nuk ka shumë rëndësi a takohen Albin Kurti e Aleksandër Vuçiç, sa ka rëndësi se cili është rezultati i takimit të tyre.
Ai ka pranuar se tentimet po i vazhdon për një takim të radhës mes kryeministrit të Kosovës e Presidentit të Serbisë.
“Këtë javë unë kam takuar dy herë kryeministrin Kurti dhe kam biseduar me presidentin Vuçiç”, tha ai.
“Arsyeja nuk është veç takimi mes Kurtit dhe Vuçiç-it, ne jemi duke punuar në këtë drejtim, por arsyeja është rezultati i këtij takimi. Ne duam të kemi rezultate pozitive”.
E kaluara, siç kujton Lajçak para gazetarëve në Prishtinë, na thotë se “të dy liderët më parë kanë zhvilluar dy takime, por pa ndonjë rezultat pozitiv nga këto takime”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si mund të kërkojë dikush më shumë?
-
AAK-ja paralajmëron “ballafaqim të vërtetë” me Qeverinë – “Kurti do të jetë lakuriq në projektet e tij”
-
Mohammad Mokhber konfirmohet si President i Iranit pas vdekjes së Raisi-t
-
Tahiri: Zgjedhjet më 30 qershor ose 7 korrik – shtatori duhet ta gjejë Kosovën me qeveri të re