Kryetari i Këshillit Kombëtar të Partisë Demokratike në Shqipëri, Edi Paloka, ka propozuar një zgjidhje për ngërçin e krijuar në partinë opozitare me mbledhjen e firmave për të thirrur Kuvendin Kombëtar.
“Do t’i propozoja dhe u kam propozuar palëve një zgjidhje që të ishte shteruese dhe të hiqet çdo dyshim që ka mes palëve”, ka thënë ai për mediat.
Më tej, Paloka ka sqaruar se “statuti nuk parashikon procedurë”, dhe se “palët nuk kanë besim. Të caktojnë nga një person dhe njerëzit të merren. Për njërën palë, Ivi Kaso dhe palën tjetër Ervin Minarolli, personi që merret në sekretariat”.
Ndër të tjera, kreu i Këshillit ka thënë se ky është një propozim, “që palët të ulen dhe të eliminojnë hijet e dyshimit. Të ecim dhe të çojmë procesin para. Të vijnë në zyrën time të bëjnë verifikimet një nga një për 4 mijë e 200 firmat që janë në zyrën time”.
Kjo, sipas tij, pa praninë e sulmeve apo dyshimeve të mëtejshme.
Në përmbyllje, ai ka shtuar se “nëse palët nuk pranojnë, i bie që nuk duan të ketë zgjidhje”.
Mbledhja e Kryesisë
PD-ja do të mbledhë sot, më 15 nëntor, Kryesinë e saj.
Lajmi është bërë i ditur nga sekretari i Përgjithshëm, Gazment Bardhi, i cili përmes një mesazhi ka njoftuar demokratët për mbledhjen.
Në rend dite do të jetë situata politike e kësaj partie.
Bardhi, në mesazhin e tij, ka paralajmëruar marrjen e masave për të mbrojtur interesin e Partisë Demokratike dhe funksionimin demokratik të organeve të saj.
“Diskutime dhe vendimmarrje mbi situatën politike, si dhe marrjen e masave për të mbrojtur interesin e Partisë Demokratike dhe funksionimin demokratik të organeve të saj”, shkruhet aty.
Mbledhja do të zhvillohet në sallën e mbledhjeve të Grupit, Kati i II, Selia Qendrore e PDSH.
Basha dhe Bardhi në deklaratat e tyre e kanë cilësuar një nismë të tillë si shkelje të statutit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Brenda vitit kantieri i ndërtimit për urën mbi lumin Buna, thotë Rama
-
Balla: Na duhet një politikë e re penale, thirrje drejtësisë të hetojë me paanshmëri ngjarjen e fundit dhe të japë dënim ekzemplar
-
Rama: Vulin nuk meriton asnjë përgjigje për deklaratat antishqiptare
-
Hasani takon stafin shqiptar në KiE, bisedon për nismat e ndërmarra në vite
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese I draftit të BE-së
-
Rama: Vulin nuk meriton asnjë përgjigje për deklaratat antishqiptare
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin