Të premten e 22 tetorit, qeveria shqiptare zbuloi përpara mediave projekt-buxhetin për vitin 2022.
Fokusi i përgjithshëm i buxhetit për vitin e ardhshëm – që pritet të miratohet – do të jetë rritja e pagave, mirëqenia sociale dhe çështjet e mjedisit.
Kjo e fundit u përmend edhe më herët nga kryeministri i Shqipërisë, Edi Rama, gjatë takimit me kryebashkiakët.
Fillimisht ishte ministrja e Shëndetësisë dhe Mbrojtjes Sociale, Ogerta Manastirliu, që shpalosi projekt-buxhetin.
Në fjalën e saj, ajo foli për një rritje prej 10% të programit të ndihmës ekonomike si një mburojë sociale.
Ajo bëri me dije gjithashtu se do të ketë rritje të buxhetit për personelin mjekësor, duke e çuar në masën 6% rritjen për këtë kategori të të punësuarve.
Më pas, ishte radha e ministres së Arsimit dhe Sportit, Evis Kushi, e cila theksoi se do të ketë rritje të pagës së mësuesve dhe 600 punonjësve psiko-socialë.
Paga e mësuesve, sipas ministres Kushi, do të ketë një rritje të projektuar me 6%.
Ministrja e Shtetit për Rininë dhe Fëmijët në Shqipëri, Bora Muzhaqi, deklaroi më tej se do të ketë një buxhet në mbështetje të projekteve e universiteteve me programe bashkëkohorë, si ato të shteteve evropiane.
Gjithashtu ministrja e re bëri me dije se, do të ketë fokus për zgjidhjen e problematikave të laboratorëve nëpër shkollat dhe universitetet e vendit.
Menaxhimi i mbetjeve në të gjithë territorin ishte prioritet i ministres së Turizmit dhe Mjedisit të Shqipërisë, Mirela Kumbaro.
Për ministren Kumbaro, kjo nismë do të jetë një urë që do të mbështesë më tej zhvillimin e turizmit përmes agjencive qeveritare.
Ajo ravijëzoi se mjedisi është mbështetur në mënyrë të pazakontë – krahasuar me vitet e tjera.
Kultura, fokus të vitit 2022, do të ketë aprovimin e Qendrës Kombëtare për Fëmijë dhe disa nisma të tjera.
Këtë theksoi ministrja e Kulturës, Elva Margariti. Më tej, ajo bëri me dije se banesa e Toptanasve do të kalojë në projekt restaurimi dhe rijetëzimi.
Rritje pagash do të ketë edhe në radhët e punonjësve të Policisë.
Ministri i Brendshëm, Bledi Çuçi, solli në vëmendje gjatë fjalës së tij se do të ketë investime në infrastrukturën digjitale dhe teknologjike.
Kjo e fundit do të rrisë efikasitetin, sipas tij, në luftën kundër krimit.
Në të njëjtën linjë qëndroi dhe ministri i Drejtësisë, Ulsi Manja.
Ai shtoi se pagat e punonjësve për policinë e burgjeve do të barazohen me ato të Policisë së Shtetit.
Manja foli edhe për një njëjtësim të pagave midis grave dhe burrave në radhët e policisë së burgjeve në projekt-buxhetin e ministrisë.
Rritja e tavanit buxhetor për nismat e mandatit “Rama 3” ishte në vëmendjen e ministres së Bujqësisë, Frida Krifca.
Në deklaratën e saj, Krifca garantoi se do të ketë mbështetje për fermerët dhe peshkatarët me gjithë flotat e tyre të peshkimit.
Ajo kujtoi se eksportet janë rritur me 14% dhe ky, sipas saj, është një lajm shumë i mirë.
Prezantimin e projekt-buxhetit e mbylli ministrja e Financave dhe Ekonomisë, Delina Ibrahimaj.
Rritja ekonomike e Shqipërisë, në fjalën e zyrtares, lidhet me rritjen e shpenzimeve në të gjithë sektorët.
“Investimet në infrastrukturë, mbrojtje sociale (për shtresat më në nevojë), rritja e produktivitetit në sektorë të ndryshëm do të ketë si kryefjalë rritjen e ligjshmërisë”, deklaroi Ibrahimaj.
Duke folur më tej, ministrja tha se të gjitha këto rritje do të pasohen me një rritje ekonomike me 4%.
Sa u takon taksave, ky buxhet, sipas saj, parashikon “një rritje natyrale të tyre”.
Në përmbyllje, referuar pyetjes së gazetarëve, Ibrahimaj bëri me dije se nga viti i ardhshëm do të ketë një fond të caktuar në buxhet për bonusin e pensionistëve – bashkëngjitur rritjes së pensioneve, e cila do të bëhet me qëllim përballimin e rritjes së çmimeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel