Ambasadori i Britanisë së Madhe në Kosovë, Nicholas Abbott, ka falënderuar qeverinë dhe popullin e Kosovës për mikpritjen e treguar ndaj refugjatëve afganë.
“Do të doja që edhe një herë të falënderoj qeverinë dhe popullin e Kosovës për mbështetjen, duke u bërë atyre një mikpritje të ngrohtë”, ka shkruar Abott në llogarinë e tij në Facebook.
Ai ka bërë të ditur se ka vizituar afganët të cilët janë nën përkujdesje të përkohshme në Kosovë nga trupat britanike nën komandën e NATO-s.
“Dje vizitova të evakuuarit afganë, të cilët janë nën përkujdesje të përkohshme në Kosovë nga trupat britanike nën komandën e NATO-s, ndërkohë që janë bërë aranzhimet për udhëtimin e tyre të mëtejshëm”, ka thënë Abott duke shtuar “ata kanë kaluar një gjendje traumatike, dhe vazhdojnë të tregojnë durim dhe këmbëngulje”.
Në anën tjetër, Abott, ka theksuar edhe përvjetorin e kanunizimit të Nënë Terezës, duke cituar fjalët e saj, “nëse nuk mund të ushqeni njëqind njerëz, ushqeni vetëm një”.
Në këtë takim është diskutuar rreth gjendjes dhe nevojave aktuale lidhur me strehimin e përkohshëm të qytetarëve afgan në Kosovë.
Sveçla, tha se Kosova ka nevojë për mbështetje të organizatave ndërkombëtare në këtë periudhë.
“Qeveria e Kosovës i është përgjigjur pozitivisht kërkesës së Qeverisë së SHBA-së dhe NATO-s, për të strehuar përkohësisht qytetarët afgan. Ne jemi zotuar për të ofruar kushte dinjitoze të akomodimit, për të ju bërë sa më të lehtë qëndrimin e tyre në Kosovë. Megjithatë, nevoja për mbështetje të organizatave tuaja është po ashtu shumë e rëndësishme për ne”.
Më 29 gusht, në Kosovë ka arritur grupi i parë i afganëve të cilët kanë qenë 111 persona, kryesisht gra, pleq dhe fëmijë, ata janë strehuar në ish kampin e Bechtel Enka-s në Ferizaj.
Shtetet e Bashkuara më 30 gusht e kanë përfunduar tërheqjen e plotë nga Afganistani pas 20 vjetësh të prezencës ushtarake atje.
Vendi tashmë është nën kontrollin e talibanëve dhe shumë afganë e kanë të paqartë të ardhmen e tyre nën sundimin taliban.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zgjedhjet evropiane, komentet e Scholz për von der Leyen: Të synohen vetëm partitë tradicionale
-
Protestë për “mbështetje të serbëve të Kosovës” afër pikë-kalimit kufitar të Jarinjës
-
28 mijë masa brenda javës nga Policia Rrugore, kontrolle të shtuara me nisjen e sezonit turistik
-
SPAK vijon të mbetet institucioni më i besuar nga shqiptarët, partitë politike të fundit
Lajmet kryesore
-
SPAK vijon të mbetet institucioni më i besuar nga shqiptarët, partitë politike të fundit
-
28 mijë masa brenda javës nga Policia Rrugore, kontrolle të shtuara me nisjen e sezonit turistik
-
Ministri i Jashtëm polak bën thirrje për riarmatim afatgjatë të Evropës
-
Qeveria e interesuar për një legjitimitet të ri popullor para zgjedhjeve në SHBA, thotë Kusari – Lila