Kyle Rittenhouse, adoleshenti i cili u shpall i pafajshëm javën e kaluar, edhe pse vrau dy burra gjatë një demonstrate kundër padrejtësisë racore në Kenosha, Wisconsin, ka deklaruar se rasti i tij “nuk ka të bëjë me racizmin”.
“Kishte të bënte me të drejtën për vetëmbrojtje”, tha Kyle Rittenhouse për agjencinë e lajmeve amerikane “Fox News”, duke shtuar se ai mbështeti lëvizjen “Black Lives Matter” (BLM).
18-vjeçari vrau dy burra dhe plagosi një të tretë në qytetin e Kenosha-s më 25 gusht 2020.
Lirimi i tij ndau në mes SHBA-të: Një patriot për disa dhe një vigjilent për të tjerët.
Pjesa më e madhe e komenteve të medias amerikane u ndal te çështja e racizmit, megjithëse Rittenhouse është i bardhë, ashtu si edhe të tre burrat që ai qëlloi.
Rittenhouse për programin “Tucker Carlson Tonight të Fox News” tha në vijim se, “unë nuk jam një person racist. Unë mbështes lëvizjen BLM. Unë mbështes demonstrimin në mënyrë paqësore. Besoj se duhet të ketë ndryshim”.
18-vjeçari tha se zjarrvënësit, që rrafshuan bizneset në Kenosha gjatë trazirave të vitit të kaluar, ishin “oportunistë duke përfituar nga lëvizja BLM”.
“Jam dakord me lëvizjen BLM, jam dakord që të gjithë kanë të drejtë të protestojnë dhe të mblidhen. Por nuk jam dakord që njerëzit kanë të drejtë të djegin qytetet amerikane në përpjekje për të përhapur mesazhin e tyre. Mendoj se ka mënyra të tjera për ta bërë këtë”.
Gjithashtu Rittenhouse tha se ai mendonte se, “ka shumë sjellje të pahijshme prokuroriale, jo vetëm në rastin tim, por në raste të tjera”.
I armatosur me një pushkë AR-15, Rittenhouse qëlloi për vdekje Joseph Rosenbaum, 36 vjeç, Anthony Huber, 26 vjeç, dhe plagosi 27-vjeçarin Gaige Grosskreutz, duke dëshmuar se ai hapi zjarr në vetëmbrojtje.
Ai ishte përballur me pesë akuza, duke përfshirë vrasje me dashje.
Dy net para se të dilte në Kenosha vitin e kaluar, duke thënë se donte të ndihmonte në mbrojtjen e bizneseve mes trazirave, policia kishte qëlluar pas shpine një person me ngjyrë.
Ky i fundit, Jacob Blake, ishte i armatosur dhe mbeti i paralizuar.
Gjatë fushatës zgjedhore të vitit të kaluar, presidenti i SHBA-ve, Joe Biden, postoi në Twitter një video që duket se e lidh Rittenhouse, pa asnjë provë, me supremacistët e bardhë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Izraeli shkon edhe më tej në Rafah duke sfiduar opinionin ndërkombëtar
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Komandanti i KFOR-it kërkon nga Kurti e Sveçla që të shmangen veprimet e njëanshme
-
Politikani katalunas: Spanja hipokrite dhe me standard të dyfishtë – njeh Palestinën, por jo edhe të drejtën e kosovarëve për shtet
Lajmet kryesore
-
Gërvalla: Nuk e zbatojmë variantin e BE-së për Asociacionin, derisa Beogradi nuk zbaton marrëveshjen e Brukselit
-
Basha kritikon sjelljen e Vuçiç në OKB: Simboli me tre gishta, sinjal i keq për stabilitetin e rajonit
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Shoqata e Mikrofinancës dënon praktikat në shkelje të ligjit, pas rasteve abuzive të publikuara
