Tyson drejtuar Canelo-s: Nëse ai guxon të prekë Messi-n, do të më duhet të kthehem në ring
Polemika shpërtheu në fillim të kësaj jave kur boksieri Saul ‘Canelo’ Alvarez akuzoi Lionel Messi-n për gjoja se kishte shkelur fanellën e kombëtares meksikane ndërsa festonte fitoren 2-0 të Argjentinës ndaj Meksikës në fazën e grupeve të Kupës së Botës 2022.
Pas fjalëve të tij, legjenda e boksit Mike Tyson u hodh në mbrojtje të Messi-t, duke paralajmëruar Canelo-n se ai do të ishte i gatshëm të kthehej në aksion në një meç kundër boksierit meksikan.
“Dikush i quajtur ‘Canelo’ kërcënoi Messi-n”, tha Tyson për BBO Sports.
“Nëse ai guxon të prekë Messi-n, do të më duhet të kthehem në ring”.
Boksieri meksikan shkroi në Twitter për të treguar se ishte marrë me vete, duke i kërkuar falje yllit të Paris Saint-Germain dhe njerëzve nga Argjentina.
“Këto ditët e fundit u mashtrova nga pasioni dhe dashuria që ndjej për vendin tim dhe bëra komente të pavend, kështu që dua t’i kërkoj falje Messi-t dhe popullit të Argjentinës”, ka shkruar Canelo.
“Çdo ditë mësojmë diçka të re dhe këtë herë ishte radha ime”.
Sulmuesi i PSG-së u pyet për komentet e Canelo-s pas fitores 2-0 të Argjentinës ndaj Polonisë të mërkurën.
Messi theksoi se nuk kishte ndërmend të mos respektonte popullin meksikan.
“Ishte një keqkuptim”, vuri në dukje ai.
“Ata që më njohin e dinë që nuk kam mungesë respekti për askënd. Këto janë gjëra që ndodhin në dhomën e zhveshjes pas ndeshjes”.
“Nuk kam pse të kërkoj falje sepse nuk kam shpërfillur popullin e Meksikës apo fanellën”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE