Takimet mes zyrtarëve të Kosovës dhe Bosnjës janë shumë të rëndësishme, thotë Mujanoviç  

Analisti politik nga Bosnja e Hercegovina, Jasmin Mujanoviç, ka vlerësuar si tejet të rëndësishme takimet që krerët institucional të Kosovës po zhvillojnë me ata të Bosnje e Hercegovinës nëpër konferenca të ndryshme ndërkombëtare.

Meqë sipas tij një gjë e tillë është edhe një përgjigje për bllokadën që po bënë presidenti ultra-nacionalist i Republikës Srspka në Bosnje e Hercegovinë, Milorad Dodik, duke refuzuar njohjen e pavarësisë së Kosovës.

“Këto takime (jo)zyrtare ndërmjet zyrtarëve të Kosovës dhe BeH në samite të ndryshme ndërkombëtare janë shumë të rëndësishme. Bllokada e marrëdhënieve formale midis vendeve (për shkak të secesionistit Dodik) nuk mund të errësojë sfidat e përbashkëta të sigurisë me të cilat përballen të dyja nga regjimi në Beograd”, ka shkruar ai në platformën sociale, X.

These (un)official encounters between Kosovo & BiH officials at various international summits are very important. The blockade on formal relations btw the countries (bc of secessionist Dodik) cannot obscure the shared security challenges facing both from the regime in Belgrade. https://t.co/BrYUF2IkBz

— Jasmin Mujanović (@JasminMuj) March 1, 2024

Ndryshe së fundmi Presidentja e Kosovës, Vjosa Osmani është takuat me anëtarin e Presidencës së Bosnje Hercegovinës, Denis Beçiroviç, në margjinat e Forumit Diplomatik të Antalyas, ku ka uruar këtë të fundit për Ditën e Pavarësisë së BeH-së.

Bosnja e Hercegovina nuk e ka njohur ende pavarësinë e Kosovës, për shkak të politikave destruktive dhe pro-serbe të presidentit të entitet serb në Bosnje Hercegovinë, Milorad Dodik.

Ndryshe përveç Osmani edhe kryeministri i Kosovës, Albin Kurti, ka zhvilluar takime të shumta me krerët institucional nga Bosnja e Hercegovina.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.