Sretena Bojoviç e demanton ministrin Krasniqi: S’jam emëruar drejtoreshë e Arsimit në Leposaviq
Sretena Bojoviç, e ka mohuar se është emëruar drejtoresh e Arsimit në Komunën e Leposaviqit, siç kishte njoftuar më 16 qershor ministri i Administrimit të Pushtetit Lokal, Elbert Krasniqi.
“Unë nuk jam drejtore në komunën e Leposaviqit, kam pasur ofertë, por nuk e kam pranuar”, tha ajo për mediumin serb Kossev.
Por, ajo ka konfirmuar se më 6 qershor ka marrë ofertë konkretisht për pozitën e drejtoreshës së Arsimit.
“Unë po mendoja se çfarë do të bëja, por hoqa dorë dhe këtë e dinë të gjithë. Unë nuk kam nënshkruar asgjë”, theksoi Bojoviç.
Sretena shprehet se një vendim të tillë e ka marrë për “arsye personale dhe morale”, por gjithashtu thotë se tani nuk është “koha e duhur” për një gjë të tillë.
“Nuk kam marrë e as nënshkruar asnjë vendim për asnjë vend pune, as nuk kam pasur dhe as tani nuk kam të hyra nga buxheti i Kosovës”, ka nënvizuar ajo.
Ndryshe, Krasniqi pasi kishte vizituar kryetarin e ri të Leposaviqit, Lulzim Hetemin, në profilin e tij në Facebook ka konfirmuar se kanë folur për ngjarjet në komunë, por edhe se Hetemi “e ka informuar për vendimet e fundit që ka marrë”.
“Presidenti Hetemi vazhdoi me kompletimin e kabinetit të tij, si rrjedhojë emëroi drejtorë në repartet përkatëse: Sretena Bojoviç, Angjela Simiç, Valjton Peci dhe Arjeta Tahiri”, pati shkruar Krasniqi.
Ndërsa të martën e 4 korrikut, Krasniqi pas takimit me ministrin për Komunitete dhe Kthim, Nenad Rashiç, ka thënë se e ka informuar atë për vendimin e kryetarit të Komunës së Leposaviqit, Lulzim Hetimi për emërimin e katër drejtorëve serbë.
Përmes një shkrimi në rrjetin social ‘Facebook’, Krasniqi ka bërë të ditur emrat e drejtorëve që do të jenë pjesë e kabintetit të kryetarit të Leposaviqit.
“E informova për krijimin e mundësive për qytetarët nga komuniteti serb si dhe biseduam edhe për inkuadrimin e serbëve lokal në qeverisjen lokale me ç’rast e informova për vendimin e fundit të Kryetarit të Komunës së Leposaviqit, Lulzim Hetemit për emërimin e katër drejtorëve të tjerë”.
“Nga sot, Violeta Sakic, Nikola Radomirovic, Nenad Radosavljevic dhe Miroslav Minic do të jenë pjesë e kabinetit të Kryetarit Hetemi”, ka shkruar Krasniqi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zhvatën mijëra qytetarë përmes mashtrimit me mikrokreditë, lihet në fuqi masa për 9 të arrestuarit
-
Daçiç: Mali i Zi s’është armiku ynë, por jemi të zhgënjyer që e mbështetën rezolutën për Srebrenicën
-
Borrell thotë se disa vende evropiane po përpiqen të frikësojnë gjyqtarët e ICC-së
-
Hipoteza e “obligacionit të Ukrainës” e garantuar nga fitimet ruse – presioni amerikan mbi G7
Lajmet kryesore
-
Pas raportimeve nga Italia reagon Rama: Nuk kam ndryshuar mendje për marrëveshjen me Melonin
-
Zhvatën mijëra qytetarë përmes mashtrimit me mikrokreditë, lihet në fuqi masa për 9 të arrestuarit
-
Hipoteza e “obligacionit të Ukrainës” e garantuar nga fitimet ruse – presioni amerikan mbi G7
-
AAK me rezolutë në Kuvend: Shkarkimi ose dorëheqja e Kurtit, pastaj shpërndarja e Kuvendit