Policia e Kosovës përmes një komunikate për media ka bërë të ditur se në aksionin e të mërkurës në dhjetë lokacione janë arrestuar 7 persona të dyshuar për kultivim dhe trafikim me lëndë narkotike si dhe janë konfiskuar 68 kg marihuanë.
“Gjatë realizimit të operacionit policor në cilësi të të dyshuarve janë arrestuar: G.J., (viti i lindjes 1985, mashkull shtetas i Shqipërisë), E.M., (viti i lindjes 2000, mashkull kosovar), Z.M., (viti i lindjes 1988, mashkull kosovar), E.J., (viti i lindjes 2000, mashkull kosovar), F.D., (viti i lindjes 1976, mashkull kosovar), F.Gj., (viti i lindjes 1973, mashkull kosovar) dhe A.J., (viti i lindjes 1970, mashkull kosovar)”, thuhet në komunikatën e policisë.
Ndërsa është theksuar se policia ka konfiskuar edhe disa prova materiale që do të përdoren në procedurë të mëtejme.
“Substancë narkotike 68 kg e 49 gr, dyshohet të jetë marihuanë, që ka qenë në proces të tharjes, 177 bimë narkotike të llojit kanabis-sativa, 421 gr. substancë narkotike, dyshohet e llojit kokainë, dy armë zjarri, para të gatshme e dëshmi tjera.”.
Gjithashtu, të dyshuarit janë intervistuar në prani të avokatëve mbrojtës dhe pas intervistimit në konsultim me prokurorin u është shqiptuar masa e ndalimit prej 48 orësh.
Marihuana e kokaina janë dy substanca narkotike që kanë shënuar rritje të përdorimit tek të rinjtë këtë vit.
Mosha e përdoruesve të substancave narkotike është shqetësuese, sipas institucioneve të Kosovës.
Doktoresha e Klinikës së Psikiatrisë pranë Qendrës Klinike Universitare të Kosovës (QKUK), Vjollca Ramiqi, në një përgjigje për Albanian Post pati treguar se gjatë periudhës janar-shtator të këtij viti, në këtë klinikë, konkretisht në repartin e Sëmundjeve të Varësisë, janë bërë 89 hospitalizime, 21 me substanca të ndryshme psiko aktive dhe 18 me opiodie (heroinë) dhe 14 me alkool.
Doktoresha e Klinikës së Psikiatrisë pranë Qendrës Klinike Universitare (QKUK), Vjollca Ramiqi
“Mosha më e prekur adulteri e hershme (18 vjeç), ndërsa në ambulancë specialistike mosha adoleshente 13 vjeç. Pasi në repartin e Sëmundjeve të Varësisë hospitalizohen vetëm rastet që vijnë me motivim personal për t’u trajtuar, arsyeja më shumicën e rasteve janë dëmtimi i funksioneve kognitive, me çrregullim të funksionimit të psiko-fiziko-social”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbledhje për dokumentarin e Rai-t, Spiropali: Kërkojnë të na vënë në tabaka emisionin e gatuar në Tiranë
-
Ministri izraelit Ben-Gvir përfshihet në një aksident të rëndë automobilistik
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
IPK-ja kërkon suspendimin e një togeri policor, dyshohet për keqpërdorim të pozitës
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE