Ylli i Juventus-it dhe Italisë, Federico Chiesa, ka të ngjarë të largohet nga Torino në verë nëse Massimiliano Allegri mbetet në krye në sezonin 2024-25.
Kontrata e Chiesa-s në “Allianz Stadium” skadon në qershor të vitit 2025 dhe sipas “Gazzetta dello Sport”, Juventus-i është në nxitim për të zgjatur qëndrimin e tij në klub.
Juventus-i nuk dëshiron të rrezikojë të humbasë sulmuesin italian në një transferim të lirë vitin e ardhshëm, kështu që nëse ai refuzon të përkushtojë të ardhmen e tij në klub, bardhezinjtë do ta vendosin atë në treg këtë verë.
Gjigantët e Serie A do të kenë më shumë shanse të zgjasin me Chiesa-n nëse largohet trajneri Allegri, sipas “Gazzetta”-s.
Raporti thotë se Chiesa nuk ka marrëdhënie të mira me Allegri-n, kështu që nëse trajneri i lindur në Livorno mbetet në krye, Chiesa pothuajse me siguri do të kërkojë të largohet.
“Gazzetta” konfirmon se Juventus-i mund t’i ofrojë Chiesa-s një marrëveshje të re njëvjeçare dhe të diskutojë kushtet e një marrëveshjeje të re përsëri vitin e ardhshëm.
Chiesa u tërbua me Allegri-n dy javë më parë pasi u zëvendësua në pjesën e dytë të derbit “della Mole”.
Ylli italian iu bashkua “Zonjës së Vjetër” nga Fiorentina në vitin 2020 dhe ka shënuar 30 gola në 124 paraqitje me bardhezinjtë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Euro pranë rënies nën 100 lekë, çfarë pritet?
-
Arsimi është tkurrur, bie me 3.7% numri i nxënësve dhe studentëve në vitin e fundit akademik
-
Plani arab në katër etapa, për të ndaluar luftën në Gaza
-
Narrativa armiqësore, etiketime, fyerje, tendenca për kontroll – Mediat në Kosovë nën trysninë e pushtetit