Kryeministri i Kosovës, Albin Kurti, përmes një postimi në platformën sociale, X, ndërsa ka uruar Italinë për Ditën e Çlirimit – gjegjësisht fitoren mbi fashizmin në vitin 1945 – e Portugalinë për 50 vjetorin e Revolucionit Karafil – që rrëzoi diktaturën atje – ka potencuar se Lëvizja Vetëvendosje vazhdon të luftojë fashizmin brenda dhe jashtë vendit.
“25 Prilli është Dita e Çlirimit të Italisë, fitorja mbi fashizmin në 1945 dhe Portugalia festoi 50 vjetorin që kur Revolucioni i Karafilit rrëzoi diktaturën më jetëgjatë në Evropë. Në të njëjtën frymë, Kosova dhe Lëvizja Vetëvendosje vazhdon të luftojë fashizmin e sotëm – brenda dhe jashtë vendit”, shkroi Kurti.
The 25th of April is 🇮🇹's Liberation Day, the victory over fascism in '45; & 🇵🇹 celebrated 50 years since the Carnation Revolution toppled the longest-lasting dictatorship in Europe. In that same spirit, 🇽🇰's @LVetevendosje continues to fight today's fascism—at home & abroad.
— Albin Kurti (@albinkurti) April 26, 2024
Ndryshe Kurti, të enjten në mori pjesë në ngjarjen e organizuar nga Partia Socialdemokrate e Gjermanisë, SPD, në hapësirat e Bundestagut gjerman, për nder të 75-vjetorit të themelimit të Këshillit të Evropës.
Në fjalën e tij, Kurti rikujtoi se 75 vjet më parë, në prill të vitit 1949, u krijuan dy institucione që kanë transformuar historinë evropiane: NATO dhe Këshilli i Evropës, të cilat i cilësoi si shtyllat e paqes demokratike në Evropë.
Duke nënvizuar se Kosova aspiron dhe punon për anëtarësimin në NATO e Bashkimin Evropian, Kurti ka potencuar se hapi i parë për bashkimin me demokracitë evropiane është anëtarësimi në Këshillin e Evropës.
“75 vjet nga krijimi i Këshillit të Evropës, 25 vjet që kur NATO, përfshirë Gjermaninë, shkoi në luftë për të mbrojtur dhe shpëtuar qytetarët e Kosovës nga tmerret e masakrave, vrasjeve, përdhunimeve dhe dëbimeve masive. 2024 është viti i duhur që demokracia e fundit në Evropë që nuk është ende anëtare e Këshillit të Evropës t’i bashkohet asaj”, u shpreh Kurti.
Ai gjatë fjalës së tij potencoi përkushtimin e Kosovës për vlerat e parimet demokratike, sundimin e ligjit, mbrojtjen e të drejtave të njeriut e vëmendjen ndaj nevojave të komuniteteve joshumicë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin