Edhe pse Federata e Boksit të Shqipërise kishte paralajmëruar se nuk do të jetë pjesë e kampionatit amator të boksit që po zhvillohet në Beograd, ndryshe kanë vendosur.
Pas presionit të madh nga Qeveria e Shqipërisë dhe Federata Ndërkombëtare e Boksit, ata kanë vendosur që të jenë pjesëmarrës në këtë garë.
Arsyeja pse ishte në dyshim pjesëmarrja, ishte se Federata e Boksit të Kosovës ishte kthyer në kufi nga policia serbe.
I gjithë delegacioni u ndalua në kufi, dhe atyre iu kërkuan t’i hiqnin simbolet shtetëtore, gjë që kosovarët nuk pranuan ta bënin.
Edhe tentativa e dytë ishte e pasuksesshme, me ekipin e Kosovës që nuk do të marrë pjesë në këto gara.
Kjo nuk është hera e parë që Kosova nuk merr pjesë në gara ndërkombëtare që zhvillohen në Beograd, pasi gjithmonë është ndaluar me arsyetime të njëjta.
Shqipëria në anën tjetër, e nervozuar nga diskriminimi ndaj Kosovës, kërcënoi me mospjesëmarrje, po gjithçka ndryshoi në fund, pas kërkesës së Qeverisë dhe Federatës Ndërkombëtare të Boksit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
