Presidenti në largim i SHBA-së, Donald Trump, pranoi për herë të parë realitetin politik që e rrethon dhe dënoi aktet e dhunës që ndodhën në Capitol, ku u vranë pesë persona dhe mbi 50 oficerë policie u plagosën.
Në videomesazhin e publikuar, Trump-i kërkoi një “tranzicion të qetë presidencial”. Ai pranoi për herë të parë se zgjedhjet ishin të humbura.
Trump dënoi protestat e mbështetësve të tij në Capitol. “Ata nuk do të shpëtojnë pa dënim”, tha Trump.
“Është i palejueshëm uzurpimi i tempullit amerikan të demokracisë”, shtoi ai.
Këto deklarata të Trump-it vijnë pas kërcëmieve të tjera mbi mundësinë e shkarkimit të tij. Vënia në punë e Amendamentit të 25-të është kërcënim i disa ligjvënësve amerikanë.
Qetësia e Trump-it në video binte në sy shumë. Ai bëri thirrje për “shërimin e SHBA-së nga kjo gjendje”.
Kjo nuk është hera e parë kur Trump-i zbut tonet pas situatave delikate politike në SHBA.
Shumë ekspertë e cilësojnë sjelljen e tij si “të pritshme për shkak të kërcënimeve që ka marrë për shkarkim”.
Një pjesë e madhe e ligjvënësve amerikanë kanë vënë në dyshim gjendjen mendore të Trump-it. Disa e kanë cilësuar gjëndjen e tij si të “paqëndrueshme”.
Nëse tentativa për shkarkim do të jetë reale, Trump-i do të jetë presidenti i parë që shkarkohet vetëm 10 ditë përpara mbarimit të mandatit.
Në mbyllje, presidenti në largim, siguroi mbështetësit e tij se “ky është vetëm fillimi i rrugëtimit të tij politik”./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
