Ryan Gosling do të performojë “I’m Just Ken” në ceremoninë e sivjetme të “Oscars”

Pas muajsh spekulimesh, aktori Ryan Gosling do të performojë zyrtarisht këngën e filmit ikonik “Barbie”, “I’m Just Ken” në ceremoninë e sivjetme të “Oscars”.

Burimet thonë për Variety se aktori do të këndojë këngën e nominuar për çmimin “Oscar” nga “Barbie” gjatë ceremonisë së 96-të vjetore më 10 mars, por akademia nuk pranoi të komentojë lajmin.

Në kopertinën e tij të Variety në fillim të shkurtit, Gosling këmbënguli se Akademia nuk i kishte kërkuar ende të performonte.

“Mund të jetë një rrezik i madh që unë ta bëj këtë”, tha Gosling, i cili është i gatshëm për një “Oscar” aktrimi në mirënjohje mbi angazhimin e tij si Ken.

“Nuk e di se si do të funksiononte. Por unë jam i hapur për këtë”, shtoi ai.

Mark Ronson, i cili shkroi këngën me Andrew Wyatt, po ashtu ka theksuar se ishte ëndrra e tij që Gosling të performonte në “Oscars 2024”.

Kur u pyet nëse kënga do të mund të interpretohej nga një artist tjetër, nëse Gosling nuk do të donte të performonte “I’m Just Ken”, Ronson e pati eliminuar këtë opsion.

“Jo. Unë mendoj se nëse Ryan nuk e bën atë, atëherë ne dhe askush tjetër nuk do ta bëjë atë”, kishte thënë Ronson.

“I’m Just Ken” është një nga dy këngët “Barbie” që fituan një nominim për “Oscars 2024” për këngën më të mirë origjinale.

Tjetra është “What Was I Made For? nga Billie Eilish dhe Finneas, e cila fitoi çmimin “Grammy” për këngën më të mirë të shkruar për mediat vizuale duke i mundur “I’m Just Ken” dhe hitin “Barbie” “Dance the Night” nga Dua Lipa.

Çmimet e Akademisë do të transmetohen në ABC më 10 mars dhe Jimmy Kimmel do jetë serish nikoqir i kësaj ngjarje prestigjioze.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.