Premier Leauge/ Arsenal-i njeh vetëm fitore, Haaland shënon “hat-trick” në fitoren e thellë të City-t
Arsenal-i është skuadra e vetme në top 5 ligat evropiane që deri më tani ka bilanc 100%, duke fituar pesë ndeshjet e para në kampionët.
“Topçinjtë” kësaj radhe mposhtën Aston Villa-n me rezultat 2:1 në “Emirates Stadium”.
Ndeshjen e zhbllokoi Gabriel Jesus, i cili kaloi Arsenal-in në epërsi në minutën e 30-të. Ky ishte goli i tretë i brazilianit me fanellën e klubit londinez, i cili numëron edhe tri asistime.
Pjesa e parë përfundoi me epërsi minimale të vendasve, derisa në minutën e 74-të Aston Villa e barazoi rezultatin me golin e shënuar nga Douglas Luiz.
Megjithatë, barazimi zgjati vetëm tre minuta, pasi Gabriel Martinelli riktheu përsëri Arsenal-in në epërsi, që njëkohësisht doli të jetë goli i fitores.
Në ndeshjen tjetër, Manchester City shkatërroi Nottingham Forest-in, duke e mposhtur me rezultat 6:0.
Erling Haaland e mbylli dilemën e fituesit që në pjesën e parë, duke shënuar tre gola për “Citizens”.
22-vjeçari fillimisht shënoi në minutën e 12-të ta takimit pas një asistimi të Pil Foden.
Në minutën e 23-të ai shënoi golin e dytë, duke treguar formën e tij, derisa të tretin e shënoi në minutën e 38-të.
Në pjesën e dytë, dy gola i shënoi edhe sulmuesi tjetër që u transferua gjatë kësaj vere, Julian Alvarez, derisa rrugën e rrjetës e gjeti edhe Joao Cancelo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE