Drejtori i Zyrës për Kosovën në qeverinë e Serbisë, Petar Petkoviç, pritet të vijë për vizitë dyditore në Kosovë, raporton Agjencia shtetërore e lajmeve serbe Tanjug.
“Petkoviç do të vizitojë komunën e Zveçanit dhe do të bisedojë me punëtorët mjekësorë në qendrën shëndetësore atje, dhe pastaj do të vizitojë punimet për ndërtimin e shtëpisë së familjes 12 anëtareshe Vukoviç, e cila po ndërtohet me fondet e Zyrës për Kosovën”, raporton Tanjug.
Megjithatë për këtë vizitë në Kosovë, Petkoviç ka marrë leje në Ministrinë e Punëve të Jashtme të Kosovës.
Këtë e ka konfirmuar për Albanian Post, ministri në detyrë i kësaj ministrie Besnik Tahiri.
“Po ka marrë leje te ne për vizitë në Kosovë”, tha shkurt Tahiri.
Ndryshe në vitin 2018, paraardhësi i Petkoviç-it, ish-shefi i Zyrës për Kosovën në qeverinë e Serbisë, Marko Gjuriq, nuk kishte përfillur moslejimin për të hyrë në Kosovë, prandaj njësitë speciale të policisë së Kosovës e kishin arrestuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Operacioni i SPAK, Balla: Lufta kundër krimit të organizuar po jep rezultat
-
Moska dhe Pekini qëndrojnë së bashku teksa konflikti shkatërron Ukrainën
-
Qeveria shtyn procesin e regjistrimit të popullsisë pas kërkesave të 11 komunave
