Lista e re e vitit 2021 nga “Forbes” për personat më të pasur në Spanjë që kanë lidhje me sportin apo industrinë sportive ka pasur surpriza.
Juan Roig Alfonso, presidenti ekzekutiv i rrjetit të supermarketeve “Mercadona” dhe pronari i Valencia Basket kryeson listën e më të pasurve.
Në vend të dytë vjen, Florentino Perez-i. Mbase spanjolli më i famshëm në botën e pronarëve të klubeve sportive. Ai është presidenti i klubit të Real Madrid-it dhe kompanisë së ndërtimit “Grupo ACS”.
Në vend të tretë ndodhet, Fernando Roig-u. Një emer jo shumë i njohur në futboll. Por, ai është pronar i kampionëve në fuqi të Europa League, Villarreal-it.
Presidenti i klubit të Barcelona-s, Joan Laporta, nuk është pjesë e listës së pesë pronarëve më të pasur në Spanjë.
Lista e plotë me pesë pronarët më të pasur:
1-Juan Roig Alfonso (pronar i Valencia Basket): 3.7 miliardë euro
2-Florentino Perez (president i Real Madrid): 1.7 miliardë euro
3-Fernando Roig (president i Villarreal): 1.47 miliardë euro
4-Oscar Serra Duffo (themeluesi i Fluidra): 600 milionë euro
5-Miguel Angel Gil Martin (aksioneri i parë i Atletico Madrid): 400 milionë euro
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
