Lideri i opozitës bjelloruse, Sergei Tikhanovsky është dënuar me 18 vjet burg me akuzën për organizim të protestave masive kundër udhëheqësit të vendit, Alexander Lukashenko.
Mbi Tikhanovsky-s, përpos kësaj, rëndojnë edhe disa akuza të tjera.
Ai planifikoi të sfidonte Lukashenkon në zgjedhjet presidenciale të vitit 2020, por u ndalua para votimit.
Gruaja e tij, Svetlana Tikhanovskaya, u përball me Lukashenkon i cili pretendoi fitoren në zgjedhjet e diskredituara gjerësisht.
Të martën, Tikhanovskaya vuri në dyshim vlefshmërinë e gjykatës që gjykoi bashkëshortin e saj dhe tha se dënimi i tij përbënte “hakmarrje” nga Lukashenko.
“Ndërsa i fsheh të burgosurit politikë në gjyqe të mbyllura, ai shpreson të vazhdojë represionet në heshtje. Por, e gjithë bota shikon. Ne nuk do të ndalemi”, shkroi ajo në një postim në Twitter.
Today, the so-called court in Belarus will deliver the sentence to Siarhei Tsikhanouski. I can imagine these numbers. But be it one year, or 20, or 100, – it is unacceptable. The only question I will ask myself is: what am I going to do with this? #StandWithBelarus pic.twitter.com/9BNLTLCquL
— Sviatlana Tsikhanouskaya (@Tsihanouskaya) December 14, 2021
Përpara vendimit, Tikhanovskaya tha se do të vazhdonte të “mbronte personin që dua”.
Agjencia shtetërore bjelloruse e lajmeve “Belta” tha se vendimi u dha në një gjykatë në qytetin juglindor të Gomel të martën.
Gazeta shtetërore “Sovetskaya” tha se pesë figura të tjera të opozitës të gjykuar së bashku me Tikhanovsky u dënuan me burgim që varionin nga 14 deri në 16 vjet. Mes tyre ishte politikani veteran Mikola Statkevich, i cili u dënua me 14 vjet burg.
Ata janë figurat e fundit të opozitës që do të burgosen në Bjellorusi pas një goditjeje brutale ndaj zërave kundërshtues që sfiduan fitoren e Lukashenkos në zgjedhje.
Ky i fundit ka qeverisur Bjellorusinë që nga viti 1994 dhe sfidoi muaj të tërë protestash vitin e kaluar pasi politikanë dhe aktivistë të opozitës u arrestuan dhe u mbajtën në burg.
Tikhanovsky është tani një nga qindra të burgosurit politikë që mendohet se mbahen në burgjet Bjelloruse. Midis tyre është organizatorja e protestës, Maria Kolesnikova, e cila u shpall fajtore për krime, duke përfshirë komplotin për të marrë pushtetin dhe u burgos për 11 vjet në shtator.
Marrë nga BBC, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kushtetuesja do të shqyrtojë sërish mandatin e Xhaçkës
-
Osmani diskuton me ambasadorët e QUINT-it për zhbllokimin e procesit të anëtarësimit të Kosovës në Këshill të Evropës
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin
-
Baerbock: Kosova i përket Këshillit tonë të Evropës, por të bëjë gjithçka për të siguruar mbështetjen e nevojshme
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin